川火堂

營業中

休息中

我同朋友之最愛食辣嘢，位於銅鑼灣嘅川火堂就啱晒我哋。食物種類相當豐富，包括各款開胃涼菜，萬州烤魚，麻辣香鍋，江湖菜等等。燒椒金色皮蛋金色皮蛋幾特別，好少食到，我覺得皮蛋嘅蛋黃味特別濃，同埋有流心嘅效果好好味。配料醬汁都好惹味。酸菜豆腐青花椒烤魚加配土豆魚本身用清江魚，所以肉質比較嫩滑。烤魚炸嘅火候啱啱好外皮香脆，但裏面肉汁非常豐富，一啲都唔乾。配料亦都好慷慨鍾意食豆腐嘅朋友一定要叫，加埋配料土豆片，留返最後先食煮到入晒味。宮保雞丁賣相十分之吸引嘅宮保雞丁，海量嘅材料一齊切粒，望到都食欲大增。味道方面就辣度適中，唔會太勁。醬油味好香。配白飯撈嚟食一流。