影片
更多
2024-10-21
212 瀏覽
平日夜晚八點嘅屯門v city, 其實人流真係唔多, 去到泰國婆, 好驚訝八點仲要拎籌入座. 就證明佢質量有保證.其實一去到就比餐廳中間嘅霓虹燈吸引, 真係好靚好eye catching, 喺等位嘅時候, 留意到除咗盞霓虹燈靚之外, 餐廳嘅decoration都好有心思. 天花板用咗好vintage嘅風扇, corner位嘅氣氛燈都好有泰國特色. 餐廳座位唔算超多, 但係樓面都有三個staff幫手, 所以service都可以keep到.🍲泰式乾炒豬肉片河粉睇相就知佢用料豐富. 調味恰到好處. 火候都好夠. 豬肉片入味, 份量又多. 同梳打飲好match. 完全冇油膩嘅感覺. 🥘 泰式冬陰功湯（走芫茜）因為麻麻哋芫荽, 所以我就揀咗走芫荽版本. 冬陰功湯味道濃郁, 但係冇配白飯, 就咁飲湯都唔會覺得過鹹. 偏辣, 但係有得畀你揀多少辣/多辣. 值得一提嘅係佢係用新鮮蝦, 肉質都好厚實. 🥠 泰式紅咖喱魚餅呢個係佢哋自家製嘅菜式, 魚餅外脆內嫩, 配搭香濃嘅紅咖喱醬, 仲有好出嘅香茅味. 點醬唔點醬都好好食. 加泰式辣醬嘅話就更加開胃.🍦泰式街頭椰子粟米雪糕呢個雪糕最有驚喜, 一啖落去三個
其實一去到就比餐廳中間嘅霓虹燈吸引, 真係好靚好eye catching, 喺等位嘅時候, 留意到除咗盞霓虹燈靚之外, 餐廳嘅decoration都好有心思. 天花板用咗好vintage嘅風扇, corner位嘅氣氛燈都好有泰國特色.
餐廳座位唔算超多, 但係樓面都有三個staff幫手, 所以service都可以keep到.
🍲泰式乾炒豬肉片河粉
睇相就知佢用料豐富. 調味恰到好處. 火候都好夠. 豬肉片入味, 份量又多. 同梳打飲好match. 完全冇油膩嘅感覺.
🥘 泰式冬陰功湯（走芫茜）
因為麻麻哋芫荽, 所以我就揀咗走芫荽版本. 冬陰功湯味道濃郁, 但係冇配白飯, 就咁飲湯都唔會覺得過鹹. 偏辣, 但係有得畀你揀多少辣/多辣. 值得一提嘅係佢係用新鮮蝦, 肉質都好厚實.
🥠 泰式紅咖喱魚餅
呢個係佢哋自家製嘅菜式, 魚餅外脆內嫩, 配搭香濃嘅紅咖喱醬, 仲有好出嘅香茅味. 點醬唔點醬都好好食. 加泰式辣醬嘅話就更加開胃.
🍦泰式街頭椰子粟米雪糕
呢個雪糕最有驚喜, 一啖落去三個層次. 面層係脆嘅nuts, 中間係椰子雪糕好棉滑, 最驚喜係個底係糯米. 三層味道都好夾. 隔離嘅椰子肉好煙靭. 呢個甜品真係好出色.
🥤泰式檸檬茶
泰式嘅凍檸茶加咗少少香茅. 依然好fresh.
🍨菠蘿梳打（少甜）
食泰國嘢梗係要配梳打, 佢呢杯菠蘿梳打味道清新, 加埋菠蘿嘅果香. 成件事好舒服.
食完就知佢咩料, 會encore!
張貼
