羲和雅苑

營業中

休息中

呢次去咗羲和試佢哋嘅馳名烤鴨，點咗個半套，仲加咗幾款小菜，味道真係冇得頂，令人回味無窮。首先，一定要推薦呢個羲和馳名烤鴨，上枱嘅時候，鴨皮晶瑩剔透，充滿光澤，一睇就知燒得夠火候，鴨肉切得厚薄適中。烤鴨有三種食法，配搭三個唔同嘅部位，枱面上有清楚嘅教學教人點樣先係最正宗。胸皮係全隻鴨最香酥的位置，蘸藍莓醬再蘸爆炸糖再放入口入面，好似識跳舞咁。鴨胸肉皮脆肉嫩，就咁蘸黃芥未已經非常美味。鴨腿肉是全隻鴨嘅精華所在，包薄餅並加入青瓜條和京蔥絲好好食。🦆另外我哋亦都點咗松露蝦球伊麵。松露醬嘅香氣濃郁，蝦球煮得剛剛好，保留咗蝦嘅彈牙口感，仲有少少嘅鮮甜味。伊麵吸收咗松露醬同蝦汁嘅味道，入口彈牙又美味。🍤