影片
更多
2023-05-06
1193 瀏覽
平時好鍾意食辣嘢，呢日試咗呢間幾特別嘅川式麵，都幾地道同抵食。有麵食套餐選擇，分ABCD選項，自由揀要邊個餐。A係麵、B係飲品、C係小吃，而D就係甜品啦～我哋揀咗一個ABC套餐$98，同埋一個ABCD套餐$109，中環區嚟講都幾抵食！麵可以揀紅湯同白湯，唔食得辣嘅都有嘢啱食！🍜瘋狂肥腸面呢個麵好有驚喜！肥腸好乾淨無怪味，好大塊又煙韌，鍾意食內臟必叫！湯底個辣度幾正，係會食上癮嘅味道😂 我幾鍾意個麵質，雖然麵條唔係好粗，但仍然保持到麵嘅爽度，煙煙韌韌唔會腍晒，掛埋辣湯食好爽！🍜瘋狂牛肉面呢個麵揀咗白湯試下，湯底幾香胡椒味，仲有好多芫荽同蔥花，我好啱食😂 牛肉腍中帶爽勁，幾好食！麵條一樣係好煙韌！唔食得辣揀呢款啱晒～🌶️泡椒鳳爪有兩隻辣椒，都幾辣！辣過個麵，但辣得好爽，正！🍗棒棒雞 +$33個汁有啲似口水雞，但係純雞肉無骨，幾惹味！🍧成都老冰粉第一次食呢款甜品，又幾好食喎！冰粉係一大舊，滑嘟嘟，幾清甜，加埋鹹嘅花生同肉碎一齊食，完全無違和感，味道好夾，必食！餐飲叫咗羅漢果冬瓜茶（熱）同埋紅肉柚子+$7，兩杯都幾好飲！瘋狂小面嘅麵食果然係如其名，辣得好爽好瘋狂😂 食完會想再食！下次挑戰下加辣先
平時好鍾意食辣嘢，呢日試咗呢間幾特別嘅川式麵，都幾地道同抵食。有麵食套餐選擇，分ABCD選項，自由揀要邊個餐。A係麵、B係飲品、C係小吃，而D就係甜品啦～
我哋揀咗一個ABC套餐$98，同埋一個ABCD套餐$109，中環區嚟講都幾抵食！麵可以揀紅湯同白湯，唔食得辣嘅都有嘢啱食！
🍜瘋狂肥腸面呢個麵好有驚喜！肥腸好乾淨無怪味，好大塊又煙韌，鍾意食內臟必叫！湯底個辣度幾正，係會食上癮嘅味道😂 我幾鍾意個麵質，雖然麵條唔係好粗，但仍然保持到麵嘅爽度，煙煙韌韌唔會腍晒，掛埋辣湯食好爽！
🍜瘋狂牛肉面呢個麵揀咗白湯試下，湯底幾香胡椒味，仲有好多芫荽同蔥花，我好啱食😂 牛肉腍中帶爽勁，幾好食！麵條一樣係好煙韌！唔食得辣揀呢款啱晒～
🌶️泡椒鳳爪有兩隻辣椒，都幾辣！辣過個麵，但辣得好爽，正！
🍗棒棒雞 +$33個汁有啲似口水雞，但係純雞肉無骨，幾惹味！
🍧成都老冰粉第一次食呢款甜品，又幾好食喎！冰粉係一大舊，滑嘟嘟，幾清甜，加埋鹹嘅花生同肉碎一齊食，完全無違和感，味道好夾，必食！
餐飲叫咗羅漢果冬瓜茶（熱）同埋紅肉柚子+$7，兩杯都幾好飲！
瘋狂小面嘅麵食果然係如其名，辣得好爽好瘋狂😂 食完會想再食！下次挑戰下加辣先😆
張貼
