影片
更多
2023-05-11
33 瀏覽
好開心呀今日同朋友約左食lunch omakase！我哋大家都住港島同埋之後想去銅鑼灣行下街，所以係op睇食評揀左間係禮頓道嘅Suzuno!Suzuno係銅鑼灣sogo附近開咗9年，半年前搬左去跑馬地。我地行到門口已經覺得一陣餐飯一定有驚喜，師傅連門口都花咗心機!入面環境都好舒服，有12個位，仲有個花園仔，去廁所就會經過個花園仔，好多植物，可以食嘢之前食咗環境先😍1. 海藻茶碗蒸，油揚冬菇漬物—-茶碗蒸熱辣辣好正常，師傅重複幾次提我哋小心熱，好細心，讚呀！2. 青葉縣嘅蜆清湯 配青柚子 —- 好surprise 嘅係呢個湯完全冇落過鹽，完全係蜆嘅鮮味，原來冇落鹽都可以咁有鮮味，配上一片柚子，好香好香，呢個月份嘅柚子係青色，秋天嘅柚子先會係黃色，清湯原來可以咁正架😍3. 長崎縣嘅鱸魚刺身 配酸汁 紫蘇葉 柚子(Suzuki )—-有三片刺身，第一我就試咗鱸魚配酸汁，跟住第二片就試紫蘇葉放入酸汁，第三片就再加埋柚子，最鍾意係加埋柚子嘅食法，好香，好清新，好提鮮！4. 富山縣嘅白蝦 配wasabi —-白蝦係每年三至五月先至有，呢碗仔白蝦真係好花心機，要幾細心先至可以搣到咁多隻蝦仔出嚟，鮮甜
Suzuno係銅鑼灣sogo附近開咗9年，半年前搬左去跑馬地。
我地行到門口已經覺得一陣餐飯一定有驚喜，師傅連門口都花咗心機!
入面環境都好舒服，有12個位，仲有個花園仔，去廁所就會經過個花園仔，好多植物，可以食嘢之前食咗環境先😍
1. 海藻茶碗蒸，油揚冬菇漬物—-茶碗蒸熱辣辣好正常，師傅重複幾次提我哋小心熱，好細心，讚呀！
2. 青葉縣嘅蜆清湯 配青柚子 —- 好surprise 嘅係呢個湯完全冇落過鹽，完全係蜆嘅鮮味，原來冇落鹽都可以咁有鮮味，配上一片柚子，好香好香，呢個月份嘅柚子係青色，秋天嘅柚子先會係黃色，清湯原來可以咁正架😍
3. 長崎縣嘅鱸魚刺身 配酸汁 紫蘇葉 柚子(Suzuki )—-有三片刺身，第一我就試咗鱸魚配酸汁，跟住第二片就試紫蘇葉放入酸汁，第三片就再加埋柚子，最鍾意係加埋柚子嘅食法，好香，好清新，好提鮮！
4. 富山縣嘅白蝦 配wasabi —-白蝦係每年三至五月先至有，呢碗仔白蝦真係好花心機，要幾細心先至可以搣到咁多隻蝦仔出嚟，鮮甜到爆呀！
5. 熊本縣天草市嘅 縞鰺魚刺身 Shima Aji —-師傅厚切咗兩片俾我，原來佢係咁滑身架！好鐘意呀！
6. 九州大分嘅關鯖魚刺身 —-你望落以為係四片，其實係兩片嚟嘅，師傅喺中間切開左，幾細心，等我哋容易啲咀嚼，魚味好濃呀！
7. 水八爪魚 刺身 吸盤配兩款Wasabi—-呢盆超靚，藝術品咁，刺身就食八爪魚嘅鮮甜味，吸盤就食佢嘅爽脆，配醬油漬washibi，我將醬油漬Wasabi加咗入個吸盤度一齊食，真係好刺激😆
8. 中場加左個和食俾我哋 炸白蝦丸 —- 又係超級熱辣辣炸起即刻俾我哋食，博博一浸炸漿，超級彈牙，好欣賞！
9. 伊左木魚壽司—- 好滑好鮮甜嘅魚
10. 金目鯛魚壽司—- 金目鯛皮係有咬口啲嘅，口感十足，師傅特登攞條未切嘅俾我哋驚嘆一下，想講師傅好好傾，成程一路同我哋幾枱人傾偈，一路又幫我哋預備食物，但係佢架輕就熟咁款，話我哋知佢完全可以輕鬆搞掂你哋幾枱客😆
11. 青森縣嘅帆立貝壽司，夠大size夠滑身，但略嫌鮮味唔夠
12. 甘海老聲司—- 好開心！有3隻甘海老呀！鮮甜味×3呀😆
13. 鹿兒島嘅中拖羅壽司—- 最期待嘅中拖羅，會食到拖羅嘅魚油嘅鮮味，但係冇大拖羅咁漏
14. 鹿兒島嘅大拖羅壽司—-以為佢油分多啲，一定會漏啲，原來佢又唔係唔漏，好正呀
15. 醬油漬赤身壽司—-好奇師傅點解會將赤身放喺拖羅後面，食完即刻知道點解，原來赤身都做到大拖羅嘅效果，赤身有分魚頭定魚尾嘅赤身，呢塊係魚中間嘅赤身，好友魚油嘅香味，又有吞拿魚嘅鮮味，原來赤身係可以咁好食！
16. 最後海膽黎自北海道，呢個就有少少遜色
17. 咖啡正常
18. 十勝紅豆甜品配 靜岡士多啤梨 —-甜品唔太甜，士多啤梨微酸，都幾好，幫助消化
成餐飯食得好開心，食物好之餘，師傅雖然忙着預備食物，但都keep住同我哋有交流，每樣食材都會介紹，又有得食，又有得欣賞師傅嘅刀工技巧，好滿足！
要讚吓侍應小姐，好細心幫我哋收碟，成程不停幫手加茶，讚👍🏻
張貼
