Involtini Italian Cuisine

營業中

休息中

💛Involtini Italian Cuisine💛🔸Earl grey chocolate 呢杯有驚喜。一入口就好香earl grey味，但唔會蓋過朱古力嘅味。小編叫咗小甜，所以剛好。🔸是日餐湯正常。唔係好濃南瓜味。南瓜蓉就食唔到。不過幾creamy。餐包都比一般軟熟，再配埋🔸手工意大利幼麵配半隻新鮮藍龍蝦絕對係手工意粉。佢同一般意粉真係唔同，質感Q彈，爽身有咬口，亦比一般幼麵粗身。但食落就唔似食緊意粉，反而質地比較似上海麵。龍蝦汁味濃。一般食龍蝦汁意大利粉會比較漏。但廚師用左麵嘅爽身感，帶走龍蝦嘅漏，更易入口，唔會食得辛苦。🔸意大利飯配亞枝竹，菠菜蓉，松子仁小編喺睇晚吹先認識亞枝竹，見主持個個都讚，所以見到就毫不猶豫咁叫咗。亞枝竹質感其實似菇，彈牙，而且佢有一種獨有嘅味道，真係鐘意就鐘意😂意大利飯做得幾好，粒粒分明。但菠菜味就完全食唔到，只喺得個色😉份量唔算多，但係真係好飽，好濟。味道正常，欣賞手工麵，不過唔係真係好好食，所以要幾個月先book到就真係誇張咗。