更多
2017-11-12
544 瀏覽
朋友重遊深水埗,一齊去試新嘢。七點幾去,已經有條小人龍,新開張果排都冇人,又係媒體嘅力量。未入坐之前,已經盤算緊叫啲乜,因為本住想試下先嘅心態,初初基於想用最低成本試最多嘢,所以只打算叫半隻黑椒鴨。等咗一陣子,不斷聽到有嘢賣晒,打亂咗我地落柯打嘅計劃,心裡不禁有點焦急,冇理由一場黎到食唔到想食嘅嘢...最終就叫咗黑椒鵝飯、半隻油雞、鵝油撈麵、油菜(原本係想叫鴨、叉燒、燒腩仔)。先講講價錢,中肯講,你話佢好貴咩?從銀碼上睇又唔係真係好貴,$40-$70 一碟飯,就算你話喺深水埗都好,貴過佢嘅大有人在!值唔值呢?先係重點。既然係主打黑椒鵝,就主要講番隻鵝。之前睇其他媒體報導,都知所謂黑椒鵝其實係用黑椒加上其他醃料放入隻鵝內籠醃製而燒成嘅燒鵝,而黑椒汁唔係一個調配出黎嘅醬,而係燒完隻鵝之後,由隻鵝內籠倒出黎嘅鵝油+肉汁+黑椒醃料,成件事係好原汁原味咖。食落又點呢?個黑椒汁幾香,鵝亦都入味,比起食傳統燒鵝係另有一番風味。但我唔知道係咪就係因為主打都係黑椒+汁,所以其他嘢就缺乏咗。譬如鵝皮唔脆,同埋可能係黑椒加上其他醃料,令人唔係好食到鵝味同鵝油嘅酥香。試後大家都不約而同覺得係食汁,唔係食鵝,如
未入坐之前,已經盤算緊叫啲乜,因為本住想試下先嘅心態,初初基於想用最低成本試最多嘢,所以只打算叫半隻黑椒鴨。等咗一陣子,不斷聽到有嘢賣晒,打亂咗我地落柯打嘅計劃,心裡不禁有點焦急,冇理由一場黎到食唔到想食嘅嘢...
最終就叫咗黑椒鵝飯、半隻油雞、鵝油撈麵、油菜(原本係想叫鴨、叉燒、燒腩仔)。
先講講價錢,中肯講,你話佢好貴咩?從銀碼上睇又唔係真係好貴,$40-$70 一碟飯,就算你話喺深水埗都好,貴過佢嘅大有人在!值唔值呢?先係重點。
既然係主打黑椒鵝,就主要講番隻鵝。之前睇其他媒體報導,都知所謂黑椒鵝其實係用黑椒加上其他醃料放入隻鵝內籠醃製而燒成嘅燒鵝,而黑椒汁唔係一個調配出黎嘅醬,而係燒完隻鵝之後,由隻鵝內籠倒出黎嘅鵝油+肉汁+黑椒醃料,成件事係好原汁原味咖。
食落又點呢?個黑椒汁幾香,鵝亦都入味,比起食傳統燒鵝係另有一番風味。但我唔知道係咪就係因為主打都係黑椒+汁,所以其他嘢就缺乏咗。譬如鵝皮唔脆,同埋可能係黑椒加上其他醃料,令人唔係好食到鵝味同鵝油嘅酥香。試後大家都不約而同覺得係食汁,唔係食鵝,如果對係鵝係鴨冇乜所謂嘅話,食黑椒鴨都可以了,一如我地當初部署。
不過公道啲講,要佢同傳統燒鵝比又唔應該,始終唔係apple to apple。整體黎講,我會話係一樣幾新穎嘅菜式(可能我大鄉里),喺唔係咁普遍嘅情況下,加上可以喺一座幾十年嘅舊建築入面用餐,我認為係值得嘅,但今次都係要吝嗇個「好評」。
張貼