影片
更多
2009-04-14
2 瀏覽
我以前都同同事去幫襯過幾次，一向都覺得佢地啲點心水準不俗，雖然價錢屬中位，但都會成日心思思想再幫襯。今日抽到時間陪媽咪去飲吓茶，一於再去大圍的江南美廚，點知質素低、服務差，食到一肚氣。我們二人點了三個點心及一碗上海排骨菜飯，點心包括 1. 鮮蝦腐皮卷、2.蒸鳳爪，3.馳名流包。先說不過不失的 ------1. 鮮蝦腐皮卷：皮脆，蝦肉也爽口，但餡料少，真的名符其實「腐皮卷」，得塊腐皮。2. 蒸鳳爪：蒸到腍 pat pat，一夾就跌了一忽出來，好似腐屍 味道一般。3. 馳名流包：「沙」的確是有流，但係個包有陣強烈「油膉味」(油過期發出的一陣油臭 味)，咁都仲用來整包，離諳 。4. 排骨菜飯：賣相幾靚，有小棠菜粒同火腿粒，心諗呢個應該無問題喇呱....點知.....唉﹗啲飯十足十隔了三夜先攞去炒...硬到「梗」胃，而且既無飯香，又無菜香，肉香更加唔駛諗，碗飯仲要只得微溫。塊排骨都係凍嘅，好似炸起好耐，同樣死實、乾硬、無味。可能大家會諗係咪冷氣吹凍咗....梗係唔係啦...差唔多食完先去開冷氣，一開就漏水，仲要係開水喉咁漏法，弄濕了和我們搭檯的年輕媽媽。都事未完，年輕媽媽投訴，
我們二人點了三個點心及一碗上海排骨菜飯，點心包括 1. 鮮蝦腐皮卷、2.蒸鳳爪，3.馳名流包。
先說不過不失的 ------
1. 鮮蝦腐皮卷：皮脆，蝦肉也爽口，但餡料少，真的名符其實「腐皮卷」，得塊腐皮。
2. 蒸鳳爪：蒸到腍 pat pat，一夾就跌了一忽出來，好似腐屍 味道一般。
3. 馳名流包：「沙」的確是有流，但係個包有陣強烈「油膉味」(油過期發出的一陣油臭 味)，咁都仲用來整包，離諳 。
4. 排骨菜飯：賣相幾靚，有小棠菜粒同火腿粒，心諗呢個應該無問題喇呱....點知.....唉﹗啲飯十足十隔了三夜先攞去炒...硬到「梗」胃，而且既無飯香，又無菜香，肉香更加唔駛諗，碗飯仲要只得微溫。塊排骨都係凍嘅，好似炸起好耐，同樣死實、乾硬、無味。
可能大家會諗係咪冷氣吹凍咗....梗係唔係啦...差唔多食完先去開冷氣，一開就漏水，仲要係開水喉咁漏法，弄濕了和我們搭檯的年輕媽媽。都事未完，年輕媽媽投訴，侍應就一個推一個，猛話：「等陣、等陣」，之後梗係一去無回頭。直至一位侍應熄冷氣，再找部長，部長就死賴、猛罵侍應：「都話咗唔好開冷氣....」然後幫我們的搭檯客換檯。猝次攪到個侍應勁慶，發脾氣話部長亂鬧人，此時部長又唔認，仲怒睥個侍應。
我和媽咪見到咁嘅狀況都是埋單算了，我去俾錢時竟是 $ 127 大洋，俾$130，心想真$3 都唔想俾。出咗門口覺得唔對路，無理由 $130 咁貴，於是乎返轉頭 check 單，竟然發現他們將搭檯的年輕媽媽點嘅小籠包 ($25 ) 都入錯落去我們的單上，叫佢地更正，部長叫收銀改翻單，收銀又問長問短問點改，小心點係好，但好歹都要同個客 say sorry 先，吓嘩？﹗等到佢改完、退錢，理論上一個 $25 大洋的點心連加一，係咪應該退番 $27.5 大洋？對渡住，唔係，佢話你張單應該係 $100 大洋，所以頭先收 $127，宜家只退 $27....又再被強搶﹗﹗
你話係咪好激氣？
張貼