鵜舞

營業中

休息中

單睇個價單以為好平，點知三五知己小飲返兩杯，愈叫愈多野食，咁就出事啦。講真，呢度野食真係唔特別好食、上菜慢、所有職員都好似傻下傻下不夠醒目，但氣氛真係冇得輸，好似置身喺日本的小漁港、大家一齊開祭典派對咁。尤其是直行到尾有個位可以直接望到廚師做爐端燒，所有新鮮食材都放曬出黎，真係睇到都開心。由於叫左的食物眾多，略講幾味值得分享。個鵜舞沙律做得好，有多種材料口感豐富，但建議mix埋先上碟，因為唔mix試唔曬所有食材。沙律中有吞拿魚、蛋、番茄仔、脆脆、生菜等等，味道互相配合而且放左成晚都爽脆、冇咩出水。番茄sukiyaki唔太ok，個湯底甜到「嗱喉」。而且牛肉片放左入去湯入面，點解唔係燒完肉先放湯…？一點也不日本、不正宗。唔緊要，港式食法一煲上其實都ok，但肉應該分開上，免得放入湯過熟「孩」曬。另外點雞蛋泡泡好嘔心、 我接受唔到﹝我知日本有人點泡泡﹞。咁如果一開頭港式不如全部港式曬，點生蛋液算啦。佢地出名的爐端燒，item有啲好食有啲唔好食。牛舌同魷魚都燒得好juicy，即叫即整所以熱辣辣。塗上少少的青檸汁更帶出肉和海鮮的味道、同時減少膩口。但職員推介、$380隻的大幔就好不濟。鵜舞燒大