影片
更多
2022-12-15
1166 瀏覽
疫情前，要去滾得棧打邊爐，取消要提早一個禮拜訂位，疫情後，佢哋生意真係差咗好多，希望佢哋可以捱得住。身為一個邊爐精，去過全香港好多唔同嘅火鍋店，有啲差啲，有啲唔錯，唯獨是滾得棧，我會不停咁樣返去。佢嘅湯底，基本上平貴都好味，平如沙嗲湯底沙嗲味香濃，貴如椰子雞煲或者花膠雞煲，材料調味都做得啱啱好，湯頭鮮美，基本上每次淥食物之前，起碼都要飲兩至三碗先至滿足。呢度極力推介嘅有幾樣嘢，最貴嘅手切牛肉，當然係肥瘦適中，牛味濃郁，大家應該都識點。但係反而好平嘅牛眼筋，大部份人應該都唔會識得食，因為並唔常見。牛眼筋最少要淥15分鐘先至可以食，同肥牛好唔同，淥得越耐越好食，佢嘅口味比一般肥牛香濃好多倍，咬落去諗得來又有𡁻頭，實屬愛牛者不二之選。珊瑚蚌同桂花蚌係鍾意食蚌嘅老饕精選，出面好多火鍋店嘅珊瑚蚌都係急凍，但係呢度嘅珊瑚蚌係非常新鮮，淥一陣就可以食，鮮美飛上，食過咁多次除咗一次爭啲之外，次次都非常得。令外仲要介紹嘅係韭菜餃，唔知係咪自己包嘅，一樣好食！呢度最令我唔鍾意嘅係，每一次坐低，都有個阿姐一定會叫你點象拔蚌。而呢位阿姐同其他大部份嘅侍應一樣，服務態度話佢非常一般都已經係俾高佢。呢間餐廳係得一
身為一個邊爐精，去過全香港好多唔同嘅火鍋店，有啲差啲，有啲唔錯，唯獨是滾得棧，我會不停咁樣返去。佢嘅湯底，基本上平貴都好味，平如沙嗲湯底沙嗲味香濃，貴如椰子雞煲或者花膠雞煲，材料調味都做得啱啱好，湯頭鮮美，基本上每次淥食物之前，起碼都要飲兩至三碗先至滿足。
呢度極力推介嘅有幾樣嘢，最貴嘅手切牛肉，當然係肥瘦適中，牛味濃郁，大家應該都識點。但係反而好平嘅牛眼筋，大部份人應該都唔會識得食，因為並唔常見。牛眼筋最少要淥15分鐘先至可以食，同肥牛好唔同，淥得越耐越好食，佢嘅口味比一般肥牛香濃好多倍，咬落去諗得來又有𡁻頭，實屬愛牛者不二之選。
珊瑚蚌同桂花蚌係鍾意食蚌嘅老饕精選，出面好多火鍋店嘅珊瑚蚌都係急凍，但係呢度嘅珊瑚蚌係非常新鮮，淥一陣就可以食，鮮美飛上，食過咁多次除咗一次爭啲之外，次次都非常得。
令外仲要介紹嘅係韭菜餃，唔知係咪自己包嘅，一樣好食！
呢度最令我唔鍾意嘅係，每一次坐低，都有個阿姐一定會叫你點象拔蚌。而呢位阿姐同其他大部份嘅侍應一樣，服務態度話佢非常一般都已經係俾高佢。呢間餐廳係得一個男侍應嘅服務態度認真一流。不過嚟呢度係為咗食嘢，佢嘅食物可以好到我對佢哋嘅服務態度隻眼開隻眼閉就算啦。
張貼
