Y Pasta (已搬遷) 新店位置

山長水遠去銅鑼灣拎野，唔係唔食下野先走下嘛餐廳係銅鑼灣廣場，都好容易搵。環境唔錯，坐得舒服。諗左好耐，最後揀咗今晚推介嘅頭盤流心布袋芝士沙律配黑糖山楂洛神汁。上枱沙律份量頗大，3-4人都足夠分享。第一次食布袋芝士，唔錯，味道唔太鹹或者太苦。但我最鍾意佢個洛神汁，微甜帶有酸味，特別開胃。呢個汁出面比較少食，幾好食。另外叫左個主菜，軟殼蟹蟹肉忌廉意粉。全隻軟殼蟹賣相吸引，但食落比較普通。意粉質感唔會太淋，有咬口，唔錯。可惜個醬汁太杰，食落好似漿住個口，稍微影響整個口感。😅😅