茶記研究所

營業中

休息中

今日我同男朋友一齊嚟呢間茶餐廳食早餐❤️佢實在好貼心 ，早早就揀咗呢度，新開嘅餐廳，對於我呢啲鍾意試新嘢嘅人嚟講，梗係一定要去試吓啦！！而且呢一間茶餐廳非常之近屋企，所以如果好食嘅話，應該會喺未來嘅飯堂之一I呢度嘅早餐都算好豐富!！本身我自己就係一個好鍾意食早餐嘅人，總會覺得食完早餐先至會有一個Good morning!!一去到嘅時候，乜嘢都唔諗，一定要首先叫返一杯熱Latte，基本上係必須呀！！，係一個朝頭早可以嘆返一杯咖啡，簡直係一個享受，而且呢一度嘅咖啡亦都係算係好唔錯，牛奶嘅香味好充足，而且咖啡亦都好濃郁，可以話係一杯好好飲嘅茶餐廳咖啡！!我今次就試咗呢一個香煎豬扒配餐肉食肉獸餐！我個人認為，呢一度嘅豬扒煎得恰到好處，唔會好乾身！而且呢度嘅豬扒真係一咬落去嘅時候，就feel到有啲肉汁標咗出嚟，完全估唔到係食緊茶餐廳嘅豬扒，同埋呢一個豬扒肥瘦適中，有少少油脂嘅香味，整體嚟講我自己係好滿意嘅!！至於餐肉就正常發揮，比較厚切，所以入口嘅時候口感非常充足，值得一讚！另外仲有其他配料配茄汁豆、多士、煎蛋，好耐冇食過茄汁豆啦，係童年嘅回憶!！多士亦都係幾唔錯，好香口，而且牛油味道十足!!整體