潮江春 (無限極廣場)

營業中

休息中

每年農歷年前要做事情，還神～上環文武廟，自然要來上環，本打算去星月樓，記得佢潮洲粉果，足料好味，但近日有疫情過案曾到訪，所以轉來此處，美心食店清潔安心之選，枱與枱之間距離做足，又有消毒隔板，食具茶壼整潔。 馬蹄糕，不太甜已合付我要求，又想起外婆，小時候，大時大節佢做好多食品應節，最無特別就係馬蹄糕，馬蹄粉灰色，糕灰中白點~馬蹄粒（後來發覺批馬蹄皮，好辛苦，細粒，拿住，手指頭痛，容易批到手指，多謝外婆帶給我好多美麗回憶及美味，時常回味不止於食物……），甜甜地，吾識分清甜與否，在美心集團，我都好少點，其實佢做得也不錯，賣相金黃，不太甜，軟軟彈彈。 蠔仔粥，蠔鲜合時，大粒爆鲜，，可惜又係無芫茜，少香，少方魚。 煎韮菜裸，有心機煎，兩邊微微煎香，不會過燶，像肥肥白白BB,面頰爆拆，蝦米及韮菜餡味香濃，合附水準。 雞包有薑，粉質及鬆軟度與酒店中菜廳質素相若，雪白，不笠口。 舒舒服服，食飽一餐，計續人生旅程，沿途有美心。