Little Fresh Cafe & Bar

營業中

休息中

呢間樓上小店喺油麻地開咗六年，而老闆去返銅鑼灣親自主理，提供多款價格親民嘅法國菜式，因一人經營，等候時間會比較長，但食物高質，絕對值得。店內環境唔大，裝潢簡約，想食嘅建議提前留位。二人餐包含前菜、沙律、小食、兩款主食、甜點同飲品。湯品熱辣辣上，濃郁惹味，搭配脆脆麵包都幾夾。青口同燒生蠔各有千秋，鮮甜入味，大大隻，啖啖肉，完全唔Hea。主食有慢煮油封鴨脾，4日風乾12小時，鴨脾味好香好出，肉質嫩滑，搭配多款雜菜同脆脆薯仔波感覺更豐富。法式紙包白酒盲曹魚製作過程複雜，整得啱啱好，魚肉滑溜，清甜可口，值得。最後以梳打同蜜桃雪葩作結，食飽可以去行街。