影片
更多
2025-01-10
0 瀏覽
對我嚟講，泰國菜從來都唔係食貴野，而係食地道嘢。同樣係冬陰功，同樣系肉丸，離開咗泰國國境，總係覺得個味道好唔相同。香港好多泰國人聚居九龍城，所以佢哋會買翻泰國本地材料，加上佢哋嘅手藝，的確可以還原翻原來味道。但係離開咗九龍城區，估唔到喺尖沙咀都可以食到呢種似曾相識嘅味道。我經過呢間鋪頭，見到佢哋廚房裏面竟然全部都係泰國人，個心就萌生試吓呢間鋪頭味道嘅念頭。🍖我第一件事叫咗船麵。個湯底真係好得，傳統一定會用豬血或者牛血做嘅湯底，但係唔會有血腥味，而且濃郁得嚟帶鮮甜，就係呢種味道。然後就係豬肉丸，其實唔知點形容，總之嗰種咬感，同埋嗰種肉味，就係正宗。仲有一個上面嘅炸豬皮，同埋唔單單系裝飾嘅金不換，就係我要找尋嘅味道。🍖然後就喺冬陰功，辣味同椰奶味唔會互相蓋過對方，入面充滿咗新鮮嘅菇菌，同埋勁正宗嘅大頭蝦，肉質爽彈，而且個頭充滿蝦膏，飲得舒服，又啖啖肉。🍖當然唔可以漏咗前菜同埋甜品啦。皮蛋釀喺炸蝦餅入面，配合泰式甜辣醬，味道已經一流，仲要加埋子姜，可以話係四重味道層次。然後個雪糕偏向黏性，係好傳統嘅東南亞雪糕感覺，加上佢配上椰子肉，粟米同埋花生，又係另一個4重奏。仲有我飲過杯菠蘿沙冰，個冰打
🍖我第一件事叫咗船麵。個湯底真係好得，傳統一定會用豬血或者牛血做嘅湯底，但係唔會有血腥味，而且濃郁得嚟帶鮮甜，就係呢種味道。然後就係豬肉丸，其實唔知點形容，總之嗰種咬感，同埋嗰種肉味，就係正宗。仲有一個上面嘅炸豬皮，同埋唔單單系裝飾嘅金不換，就係我要找尋嘅味道。
🍖然後就喺冬陰功，辣味同椰奶味唔會互相蓋過對方，入面充滿咗新鮮嘅菇菌，同埋勁正宗嘅大頭蝦，肉質爽彈，而且個頭充滿蝦膏，飲得舒服，又啖啖肉。
🍖當然唔可以漏咗前菜同埋甜品啦。皮蛋釀喺炸蝦餅入面，配合泰式甜辣醬，味道已經一流，仲要加埋子姜，可以話係四重味道層次。然後個雪糕偏向黏性，係好傳統嘅東南亞雪糕感覺，加上佢配上椰子肉，粟米同埋花生，又係另一個4重奏。
仲有我飲過杯菠蘿沙冰，個冰打得好綿滑，上面又鋪滿曬冰到硬曬嘅鮮菠蘿粒，強烈對比，但冇違和感。食咗冬陰功，啱啱好解埋個辣味。
張貼
