影片
更多
2024-10-22
2528 瀏覽
Monday, 21 Oct一早已經睇到唔少食家推介，已經想嚟呢度試吓好耐，適逢今日天時人和。呢度嘅裝修真係同泰國大排檔 冇·分·別。有啲迫、有啲窄、有啲嘈、侍應用泰文嘰哩咕嚕、人多嘅時候冷氣唔係好夠……呢啲咪就係泰國大排檔囉。佢似大排檔得來乾淨企理、枱凳四平八穩，唔係講笑，呢啲要求真係幾卑微。先講重點，一定要講呢個重點。佢哋嘅椰青，係香港飲過、食過最好味嘅椰青。卅幾蚊有個人頭咁大嘅椰青，充滿清甜冰凍嘅椰水，啲肉滑嫩creamy，當埋甜品咁食，一椰青兩味真係抵。我好欣賞佢哋嘅Menu ，選擇唔多，亦都唔使多。淨係做好幾樣嘢就夠啦。俾你有14億種菜式都冇用。必食嘅係和牛船麵，雖然佢話係一隻🌶️，但係我覺得個程度應該係15小辣嗰種。所以唔使驚。佢哋牛肉真係靚嘢嚟㗎，份量都唔少。冇揸流攤。醉貓炒河（虎蝦），虎蝦大隻爽口。有鑊氣。沙嗲雞，兩大串啖啖肉，新鮮燒微燶邊，好味。$8一杯泰式奶茶，真係冇得輸。
一早已經睇到唔少食家推介，已經想嚟呢度試吓好耐，適逢今日天時人和。
呢度嘅裝修真係同泰國大排檔 冇·分·別。有啲迫、有啲窄、有啲嘈、侍應用泰文嘰哩咕嚕、人多嘅時候冷氣唔係好夠……呢啲咪就係泰國大排檔囉。佢似大排檔得來乾淨企理、枱凳四平八穩，唔係講笑，呢啲要求真係幾卑微。
先講重點，一定要講呢個重點。佢哋嘅椰青，係香港飲過、食過最好味嘅椰青。卅幾蚊有個人頭咁大嘅椰青，充滿清甜冰凍嘅椰水，啲肉滑嫩creamy，當埋甜品咁食，一椰青兩味真係抵。
我好欣賞佢哋嘅Menu ，選擇唔多，亦都唔使多。淨係做好幾樣嘢就夠啦。俾你有14億種菜式都冇用。
必食嘅係和牛船麵，雖然佢話係一隻🌶️，但係我覺得個程度應該係15小辣嗰種。所以唔使驚。佢哋牛肉真係靚嘢嚟㗎，份量都唔少。冇揸流攤。
醉貓炒河（虎蝦），虎蝦大隻爽口。有鑊氣。
沙嗲雞，兩大串啖啖肉，新鮮燒微燶邊，好味。
$8一杯泰式奶茶，真係冇得輸。
張貼
