Parallel

營業中

休息中

眨眼又一年，同男朋友週年紀念當然要慶祝。一向鍾意食西餐的我，今晚揀了間很有情調嘅西餐廳浪漫一下。優雅的餐桌配上小花和小燈，柔和燈光，簡約的裝潢，令人舒適寫意。半開放式的廚房可睇住廚師們專注嘅樣子，好charm呀！晚巿是半自助形式（$318/位），包有一份主菜、自助沙律、是日精選湯和咖啡或茶，部份主菜需加錢。是日精選湯是西蘭花忌廉湯，熱辣辣，聞到陣陣西蘭花的香氣，好吸引！西蘭花沒有打磨至全茸，吃到幼碎的西蘭花，口味豐富，亦有濃郁的西蘭花味，喜歡沒有加入太多忌廉，健康有益，喜歡！廚房前台是自助區，放了一碟碟精美嘅前菜沙律，色彩繽紛，令人食指大動。數下數下，足足有十五款，沙律菜、不同款式沙律、煙三文魚、冷切肉盤、芝士，還有海鮮冷盤，相當豐富。基本上無嘢唔食，所以款款都攞啲試下。第一碟就最喜歡係色彩豐富嘅三色椒鷹咀豆，又有益又飽肚，味道清新。另外啲紅菜頭都好清新多汁，夠fresh!第二碟就好鍾意雜果沙律，有超甜多汁嘅菠蘿、哈蜜瓜、黃桃、藍莓和草莓，好豐富！仲有吞拿魚長通粉沙律味道調得剛好，唔會太多醬，長通粉又有口感，不錯！第三碟就是冷盤，海鮮有三款，有爽口嘅翡翠螺、肥美嘅青口和鮮甜彈牙嘅白蝦。