申子居酒屋

營業中

休息中

銅鑼灣有好多好正嘅居酒屋，今晚去呢間零舍特別。申子居酒屋申子啲嘢食唔係剩係得味道，喺外型亦擺足心機。當中包括精緻無比嘅左口魚裙邊，同有晒成個烹調過程嘅海膽和牛卷。汁煮左口魚裙邊 $148呢個用上柚子汁同其他烹調嘅左口魚裙邊，除咗喺”汁”度落足心機，左口魚亦明顯燒過烹調過，再加上魚子，呢度菜唔單止精緻，味道亦好豐富，亦有油香。申子海膽和牛卷 $378呢度嘅王牌。當然佢嘅核心係和牛，脂肪油花好靚，在場職員亦烹調得好專業。由落蛋、用火槍、捲起同切割等功夫，都一絲不苟。再加上海膽同魚子，其實唔使我描述都知道呢道菜一定會好食。洋風雞肉卷 $168洋風雞肉卷係呢度比較特別嘅菜式。八件嘅雞肉卷，有汁燒味，雞肉亦好滑。入邊包住嘅蘿蔔同青瓜，令到佢嘅口感好豐富。呢個係幾意外地好食嘅菜式。火炙大蝦手打讚岐烏冬 $168呢個大蝦讚岐烏冬，除咗飽肚，外型亦相當靚仔。當然咁樣落櫻花蝦，其實個烏冬一定夠味。佢嘅汁比較厚身，而烏冬亦煮到好腍，所以食落好似好滑咁。個人覺得趁熱食會比較好。呢度環境清靜雅致，嘢食特別，海膽和牛卷更加係和食中嘅巔峰。而在場職員表現專業，亦令今晚嘅晚餐生色不少。