一遊

營業中

休息中

📍一遊好耐冇去居酒屋，日本嘢真係食極都唔厭🥰壽司六貫🍣 $180有海膽、赤蝦、帶子、三文魚、油甘魚同吞拿魚壽司，除返開30蚊嚿，呢個鮮度同質素嚟講真係值呢個價錢，壽司飯都唔會一夾就散，師傅係有啲真工夫喺度嘅~油甘魚刺身🐟 $198口感幼滑細膩，鮮甜風味，唔需要點豉油wasabi都好好食。海膽天婦羅 $140第一次見有人將紫菜包住嘅海膽整做天婦羅，成件事好新鮮，呢個食法別有一番風味。生薑豚肉石頭燒飯 $98比較淡口味，食食下覺得唔錯，豚肉有種燒過後嘅香氣，米飯粒粒分明，仲有鍋巴添😋道湖淺蜊 $90超大隻蜆，仲超容易剝！一粒沙都冇之餘仲好香牛油味。