翠林辣蟹舫

同呀爸賀牛一，見到開飯喇文章介紹有個海鮮餐$500/位9道餸，有蟹有蝦有魚等等，預早訂位，訂餐要打電話去預訂。去到環境寬敞，4個人坐張大檯，上菜會一道道上，唔會好急，全部新鮮熱辣辣，好大碟夠份量，先上前菜小食黃金皮蛋，拌醬好香再來係招牌菜大蟹，可以簡唔同煮法，今次簡左避風塘味，熱辣辣，好香口黃金流沙龍蝦，都係可以簡唔同煮法，肉質彈牙，但略為唔算好有咸蛋味，金沙係炸香左既麵包糠？魚炸得好香口，下次可能試下蒸可能更鮮味黃酒煮雞，好足料，唔識飲酒，食到成身熱辣辣😂好補福花炒肉片，略咸蟹粉豆腐，豆腐滑，蟹粉有夾雜蟹肉，食到哩到，開始已經見飽炒飯好香口，好有鑊氣，好飽都食左兩啖，最後打包走紅糖糕，煙煙韌，好清甜，好食👍🏻好飽但食哂😂整體來講價錢覺得合理，份量好夠，4人表示撐住肚走，員工好熱情，態度好好👍🏻