喜記避風塘炒辣蟹 (謝斐道)

營業中

休息中

爸爸生日🎂，一家人同佢嚟呢度食飯慶祝，我哋食得非常豐富，爸爸亦食得非常之開心，佢話今年嘅生日真係過得非常之好！⭐️海鮮類⭐️⭐️⭐️⭐️⭐️招牌避風塘炒辣蟹，隻蟹非常大隻，充滿着蟹肉，而且避風塘本身非常夠味，食落去味道又鮮又香味。🌟辣酒煮花螺，螺肉非常大隻，一隻一口，而且辣辣地，非常開胃，食到停唔到！因為用酒煮嘅，所以食落去個身到成身暖笠笠。⭐️家禽類⭐️⭐️⭐️⭐️⭐️半隻燒鵝👍生日喎，當然唔少得要有燒鵝，我又嘅味道非常濃，充滿肉汁，鵝肉唔會柴！⭐️飯麵小菜類⭐️⭐️⭐️⭐️⭐️招牌蟹油炒麵，好香嘅蟹油炒麵，真係食到啖啖嘅蟹味，非常之香。豆豉鯪魚油麥菜，味道濃郁，口感清爽嘅油麥菜同豆豉鯪魚非常夾。⭐️椒鹽／油鹽系列⭐️⭐️⭐️⭐️⭐️椒鹽肉排🥩非常夠惹味。油鹽水浸蜆，蜆夠晒鮮甜。椒鹽焗魷魚，椒鹽焗嘅先有非常好味。椒鹽特大瀨尿蝦，呢個賴尿蝦真係非常之大隻，有兩隻手掌咁長，而且椒鹽味非常夠。