影片
更多
2010-04-30
328 瀏覽
受以下食家的食評吸引，上星期日一家人去咗西貢食海鮮。同樣係去街市買海鮮，仲要咁啱又係嗰檔。我地得三個人，唔可能食得太多。買了鮑魚、大蟶子、跳螺、奄仔蟹同筒蠔。買料買了$370，加工後埋單$410。去到六福，被安排坐三樓。人不算多，都幾舒適，不過個tv太細。坐定後就立刻交帶煮法；仲多個魚湯同豉油皇炒面。魚湯我就覺得幾濃鮮甜同幾奶。而阿媽就話無咩特別je, 我都煲到啦！$88一窩，分到6碗。豉油皇炒面一上枱已嚇一跳，炒都勁燶！又炒得太乾身，好似一滴油都無落過咁！好乾好旱，好易哽親。至於加工海鮮真係做得唔錯。1. 椒鹽鮑魚同過街市檔住，佢話如果椒鹽就要用細d size ge, 於是買咗$120/ 斤嗰隻。好正，估唔到咁嘅煮法隻鮑魚都仲可以咁嫩，1 d都唔韌喎！係好出色嘅一道海鮮！2. 豉椒炒大蟶子都炒得好夠鑊氣！豉汁味不會太強，不會蓋過蟶子的鮮味。蟶子肉質爽口，味道鮮甜可口。3. 白灼跳螺都唔知係咩螺，求其買黎試吓。唔好食，肉唔多，質地仲要滑潺潺。有點核突。味道也不特出，食東風螺好過！4. 砵酒筒蠔筒蠔新鮮，啖啖肉。好有海水的味道。砵酒煮法也做得好。外層脆漿唔會太厚，剛好包住隻蠔。5. 焗奄
同樣係去街市買海鮮，仲要咁啱又係嗰檔。
我地得三個人，唔可能食得太多。
買了鮑魚、大蟶子、跳螺、奄仔蟹同筒蠔。
買料買了$370，加工後埋單$410。
去到六福，被安排坐三樓。
人不算多，都幾舒適，不過個tv太細。
坐定後就立刻交帶煮法；仲多個魚湯同豉油皇炒面。
魚湯
我就覺得幾濃鮮甜同幾奶。
而阿媽就話無咩特別je, 我都煲到啦！
$88一窩，分到6碗。
豉油皇炒面
一上枱已嚇一跳，炒都勁燶！
又炒得太乾身，好似一滴油都無落過咁！
好乾好旱，好易哽親。
至於加工海鮮真係做得唔錯。
1. 椒鹽鮑魚
同過街市檔住，佢話如果椒鹽就要用細d size ge, 於是買咗$120/ 斤嗰隻。
好正，估唔到咁嘅煮法隻鮑魚都仲可以咁嫩，1 d都唔韌喎！
係好出色嘅一道海鮮！
2. 豉椒炒大蟶子
都炒得好夠鑊氣！
豉汁味不會太強，不會蓋過蟶子的鮮味。
蟶子肉質爽口，味道鮮甜可口。
3. 白灼跳螺
都唔知係咩螺，求其買黎試吓。
唔好食，肉唔多，質地仲要滑潺潺。有點核突。
味道也不特出，食東風螺好過！
4. 砵酒筒蠔
筒蠔新鮮，啖啖肉。
好有海水的味道。砵酒煮法也做得好。
外層脆漿唔會太厚，剛好包住隻蠔。
5. 焗奄仔蟹
同我地平時喺市區街市買嘅奄仔蟹好唔同。
新鮮都不得了！好多肉又多膏。
肉質實淨，又好鮮甜。
仲好有海水的味道！
真係好好食！
張貼
