影片
更多
2009-10-03
17 瀏覽
之前見過唔少人都大讚呢度同CITIBANK JOIN 埋攪0既99蚊SET LUNCH 好抵食，咁啱今日終於有時間同機會去開呢頭，即使大病未癒。一於同老婆試下，係咪真係咁正。其實到埗之後都有比較過其他SET LUNCH先至決定係咪CITIBANK 食呢個餐。而就菜式而言，呢個星級套餐個選擇性當然冇其他SET LUNCH 咁多，不過見倒其餘0既主菜0既SET LUNCH平均都要2百蚊倒，所以睇完一次MENU 之後都係毫不猶豫咁揀左 '星級套餐'。首先黎0既係一杯西瓜汁。係咪因為鮮榨0既關係，佢地係冇落冰0既。室外咁熱，雖然飲左幾啖冇冰0既西瓜汁 (其實都有半杯)，依然覺得有一種涼快0既感覺 (真係唔知點解，可能係佢夠甜0既關係卦~)。 之後黎0既係BREAD BASKET 配忌薕薯仔湯，隨包附上橄欖油加黑醋。兩樣都可謂中規中矩啦，唔會話好大驚喜，但亦都冇乜話失望，可能都係期待住個主菜所以對個湯唔係好留意啦。好喇，主菜牛肩扒終於黎喇 ! 老實講就咁睇係有兩塊厚切0既牛扒，但係唔係好大塊，心諗會唔會唔夠飽呢... 隨碟附上一碗仔燒汁，一舊薯仔同一片青瓜。嗯 ... 伴碟好似少左DD ..
其實到埗之後都有比較過其他SET LUNCH先至決定係咪CITIBANK 食呢個餐。而就菜式而言，呢個星級套餐個選擇性當然冇其他SET LUNCH 咁多，不過見倒其餘0既主菜0既SET LUNCH平均都要2百蚊倒，所以睇完一次MENU 之後都係毫不猶豫咁揀左 '星級套餐'。
首先黎0既係一杯西瓜汁。係咪因為鮮榨0既關係，佢地係冇落冰0既。室外咁熱，雖然飲左幾啖冇冰0既西瓜汁 (其實都有半杯)，依然覺得有一種涼快0既感覺 (真係唔知點解，可能係佢夠甜0既關係卦~)。
之後黎0既係BREAD BASKET 配忌薕薯仔湯，隨包附上橄欖油加黑醋。兩樣都可謂中規中矩啦，唔會話好大驚喜，但亦都冇乜話失望，可能都係期待住個主菜所以對個湯唔係好留意啦。
好喇，主菜牛肩扒終於黎喇 ! 老實講就咁睇係有兩塊厚切0既牛扒，但係唔係好大塊，心諗會唔會唔夠飽呢... 隨碟附上一碗仔燒汁，一舊薯仔同一片青瓜。嗯 ... 伴碟好似少左DD ...?
睇番唔少人都講左服務員會好有耐性咁教人點對付個牛扒，我個情況都係一樣，所以唔多講。不過諗番喺食晏高峰期佢地都咁有禮貎，都係要再次一讚。
實在係大鄉里出城，食落呢塊牛扒實在係太好食，真係可以話印象之中，未喺本地食過咁好食0既牛扒 ! 佢D肉夠軟，好易切 ; 而且非常夠肉汁，實在係冇得頂 !
試過薄切整倒8/9成熟先食，亦都試過大大舊咁食。其實各有各好食之處，但我個人比較鍾意係將一塊厚厚0既扒將佢外邊整熟D，另外面有D脆脆地，但係同時裡面0既肉汁依然KEEP 得到，咁樣食真係好完美 !
佢既然俾得個醬汁我 (另附芥茉添)，一於樣樣試D。但個人認為最好食始終係唔落任何醬汁，原汁原味係最GOOD 0既 ! 不過食得喊D 0既朋友，隔離樽鹽絕對係你好幫手。
雖然只係兩塊牛扒，食完之後出乎意料令我覺得飽肚。咁0既質素，用咁0既價錢，真係物超所值!
當我仲諗緊頭先舊牛扒有幾咁好食0既時候，HAAGAN DAZS 雲呢拿雪糕己經喺我枱面。呢樣就唔多提喇，不過拎到出黎己經有DD溶，都算係有DD 美中不足喇。
正想埋單之前，睇倒佢地可以用一百蚊JOIN MEMBER，好處係可以儲分 (惠顧一蚊有一分，一千分可當一百蚊扣)，另外仲送埋幾張COUPONS ，如果係長期惠顧0既粉絲0既話，應該都會慳倒D。今次雖然係我第1次食，但係我都申請定一張。
埋單每人百二，雖然以午餐對我黎講呢個數真係唔平，但係呢塊牛扒咁0既質素，真係抵食。
順帶一提，睇黎第1份寫星級名菜SET MENU 0既朋友己經係6月份，所以呢個PROMO大大話話都做左成4個月。本人冇問服務員呢個PROMO 做到幾時完，不過想試好野0既朋友快D試下喇。
張貼
