燒味本色

營業中

休息中

雖然深水埗有好多燒味店，但呢一間燒味本色俾人感覺比較乾淨企理😂企係外面見到啲燒鵝、雞色水都好靚。吸引到我入去食！燒鵝叉燒雙拼飯 ($58)燒鵝肉質厚實，個皮燒到好香，平時我少食皮都忍唔住食曬。叉燒肥瘦適中，大大件，味道不錯。油雞髀燒肉雙拼飯 （$63）油雞髀色澤鮮明，又香又嫩，唔會好肥，點埋蔥油配白飯，正👍🏻燒肉皮脆卜卜，新鮮得黎唔會有豬臊味。整體份量都多，食完又飽又滿足。另加$7可以配凍飲，叫左一杯凍檸茶同凍奶茶都同茶餐廳一樣水準。呢區黎講有好多燒味店，大部分都以平為賣點，而呢間我就覺得係比較高質👍🏻