食意 (已結業)

深水埗都有高質意大利風味餐廳？真係有呀！門口係黑色配橙色的色調，有dd型格。午饍時間光顧，12:40左右到達只有三四枱。 咁咁...咁少人嘅？唔會有伏架？ 好彩大慨1:00左右就見大慨有7成滿啦。我地被安排坐在柱位旁邊的角落，無其他枱在隔離，啱晒傾計。一坐低，侍應就送上menu和水。服務都幾快速。Lunch有六款選擇，我地點左瑪格麗塔披薩和忌廉煙三文魚直紋窄意粉。是日餐湯係番茄湯番茄湯size都唔細，上面撒左麵包粒和香草，賣相吸引。個湯係有番茄蓉嘅，但唔係那d好大粒的番茄碎，入口好滑。而且有香濃的番茄味。主菜方面，瑪格麗塔的皮做得好薄好脆，而且好大塊，好抵食！番茄的酸甜度適中、搭配芝士和basil ，食到一塊接一塊接住停唔到口呀，就算已經好飽最後都食晒另一道主菜係忌廉煙文魚配長通粉。雖然係忌廉，但係個汁唔會好稀，而且食落比較香，唔會只得奶味/淡忌廉味。甜品係有d日式feel的抺茶pudding，好濃郁的緣茶味，成個lunch真係好完滿呀！