藝 ‧ 文食館 (已結業)

而家好多人都話要健康，食物多菜少肉，少鹽，少油。一位三分鐘熱度想健康又唔會帶飯嘅同事提意嚟呢間有肉又可素食調味簡單又健康嘅餐廳食午餐。大概點半左右餐廳客人唔多，位置唔多枱唔會太密，有空間感，佈置簡單清雅，午餐有素食可選擇，即使唔食素亦有健康嘅糙米選擇。食物味道對我嚟講淡，比較適合口味清淡健康嘅人。紅蒜子汁蝦球蟹柳炒意大利麵，有三件蝦仁同三段蟹柳，味道可以。黑松露菌醬素雜菜炒意大利麵，黑松露味食唔出，調味太少但又比上面嗰個意粉多油。香草龍蝦汁一級龍脷柳配有機糙米飯，魚同汁都唔錯，配有唔同嘅蔬菜，兩款飯口感有啲怪，無味但有啲濕。蜂花蜜汁比目魚配有機糙米飯，魚肉好滑。飲品選擇少。