金鳳大餐廳 (新都城中心三期)

營業中

休息中

屹立香港多年的金鳳大餐廳，主打鐵板套餐，款式種類選擇多。金鳳雖然絕大部份扒類都是牛為主，也有豬扒、雞扒選擇，以金鳳招牌，扒餐是有一定質素的。餐湯有忌廉湯及羅宋湯，忌廉湯除咗粟米粒粒之外仲有切到細細粒嘅洋蔥，令到個湯更加香甜和creamy。而羅宋湯熱辣辣，濃郁得黎帶點辣，好足料。另外，餐包都唔錯，好軟熟，加埋牛油一齊食，超級享受，大滿足。大大份嘅扒餐，有黑椒汁同蒜蓉汁兩種選擇（我選了蒜蓉汁），鐵板熱力足夠，店員會係您面前幫你倒黑椒汁或蒜蓉汁，一倒就「咋咋聲」勁香！好吸引（蒜蓉味好香好濃）！牛扒肉味好濃，五成熟剛剛好，肉質超嫩滑好易切開，大大塊充滿肉汁，配上蒜蓉汁好香，墊底嘅薯條和翠玉瓜索曬啲蒜蓉汁好惹味，份量好足好飽肚，風味十足。整體嚟講，質素有保證，鐵板夠曬熱，肉質唔錯，而且分量夠曬大，鍾意鋸扒嘅朋友絕對唔好錯過。餐廳員工整體上非常友善，非常適合與朋友、家人、情侶聚餐，大家有興趣不妨試下！