德美壽司 (德民街)

營業中

休息中

星期五食晏食豪少少，去左呢間親民日式餐廳，價錢其實都唔算特別平，不過都真係幾豐富。彩之刺身便當 $96 刺身，軟殼蟹天婦羅，五味壽司醋飯跟沙律，味噌湯，茶碗蒸蛋以及甜品沙律落左黑醋，好酸，開胃黎講就見仁見智。茶碗蒸同味噌湯正正常常無特別。刺身有三文魚，蝦以及帆立貝，賣相唔錯，味道一般，似放題質素。軟殼蟹天婦羅幾大隻，不過食落唔太脆口。壽司飯裝滿一整格，面層舖滿青瓜絲，蟹柳絲，蛋絲及蟹籽，不過飯質略為硬身，味道都一般。.最後甜品竟然係維記雪米糍，感覺有點港式。的確整體感覺唔算好正宗日式，無論職員態度，沙律前菜，天婦羅配沙律醬都幾港式fusion。