Pondside

營業中

休息中

Pondside旁邊嘅湖景好靚，入面嘅窗口以白色掛簾，特顯清雅，微微的燈光下感覺浪漫。法式黑麥麵包、提子麵包、脆脆嘅芝士條配黑醋欖欖油。牛油果芒果辣蝦沙律牛油果、芒果、青瓜、蕃茄仔，份量平均，每一口都可以有生果，蝦肉彈牙。煎帶子配海膽汁煎帶子配上三文魚籽係絕配，加上有青瓜片和海草，好清新嘅口感。石鍋牛丼飯配溫泉蛋石鍋旁邊放置三樣選擇，有照燒汁、泡菜、腌蘿蔔。牛小排好肥美，肉質香濃，口感滑。重有青椒仔、香菇、配搭溫泉蛋，好豐富嘅料理。烤伊比利亞黑毛豬扒黑毛豬嘅肥肉分佈均勻，厚度較一般豬肉更厚，咬落肉質鮮嫩味道濃郁。飲品Smell The Rosella杯面澆上玫瑰花瓣，顏色浪漫，梳打帶微微的甜酸。Aqua飲品有乳酪雪糕球，而顏色藍色係因為藍柑橘嘅天然色素。飲落味道清新。