影片
更多
2023-01-05
98 瀏覽
Pondside湖畔旁嘅玻璃屋Pondside 喺香港公園裡面，係今年嘅新餐廳。細細個已經成日去香港公園度影相、睇動植物，不過未試過喺公園入面嘅餐廳食嘢！今日重遊舊地，特登book 左Pondside 食下午茶。餐廳樓底好高， 外圍係落地玻璃窗，所以透光度好好，亦都可以好好欣賞出邊湖畔嘅景色！我地今日叫左個afternoon tea set ，佢可以叫1 人或者2 人份量。tea set 跟茶或者咖啡，茶可以選擇India Darjeeling , India Assam 同日本宇治茶等等。 Darjeeling 下面有4 款由唔同茶園出嘅茶，職員介紹左我飲Arya garden 出嘅， 茶色淡淡， 味道清新，無飲濃茶嘅苦澀味， 好啱同甜品一齊食。食品方面係用三層架上枱， 上面係三款炸物，有蟹餅, risotto ball同素春卷配泰式辣醬。第二層係鮮蝦雞尾酒杯， 煙三文魚三文治同埋Parma Ham配蜜瓜。第三層係蛋糕類， 有兩款味道嘅馬卡龍， 意式奶凍，是日精選蛋糕。另外仲有英式鬆餅配有果醬同埋忌廉。總結黎講，望住湖邊食下午茶，輕輕鬆鬆渡過一個下午真係唔錯！不過窗邊座位有限，記得預
湖畔旁嘅玻璃屋
Pondside 喺香港公園裡面，係今年嘅新餐廳。細細個已經成日去香港公園度影相、睇動植物，不過未試過喺公園入面嘅餐廳食嘢！
今日重遊舊地，特登book 左Pondside 食下午茶。餐廳樓底好高， 外圍係落地玻璃窗，所以透光度好好，亦都可以好好欣賞出邊湖畔嘅景色！
我地今日叫左個afternoon tea set ，佢可以叫1 人或者2 人份量。tea set 跟茶或者咖啡，茶可以選擇India Darjeeling , India Assam 同日本宇治茶等等。 Darjeeling 下面有4 款由唔同茶園出嘅茶，職員介紹左我飲Arya garden 出嘅， 茶色淡淡， 味道清新，無飲濃茶嘅苦澀味， 好啱同甜品一齊食。
食品方面係用三層架上枱， 上面係三款炸物，有蟹餅, risotto ball同素春卷配泰式辣醬。
第二層係鮮蝦雞尾酒杯， 煙三文魚三文治同埋Parma Ham配蜜瓜。
第三層係蛋糕類， 有兩款味道嘅馬卡龍， 意式奶凍，是日精選蛋糕。
另外仲有英式鬆餅配有果醬同埋忌廉。
總結黎講，望住湖邊食下午茶，輕輕鬆鬆渡過一個下午真係唔錯！不過窗邊座位有限，記得預早book 位！
張貼
