影片
更多
2022-10-04
23 瀏覽
尖沙咀H Zentre依間日本米芝連過江龍拉麵店已經想食好耐，成日食晏時間經過都見到座無虛席，今次終於俾我搵到時間避開到食晏嘅人潮啦😁餐廳位置好近尖沙咀港鐵站K出口🚉，一出就會見到大大塊玻璃幕牆同埋餐廳個招牌👀所以好易搵到，門口就要入返商場啦。餐廳色調偏向黑色同金銅色，高貴得嚟帶啲古樸典雅嘅日式感覺⛩貝汁醬油拉麵🐚🍜$128得獎拉麵，湯底由蜆湯、豬骨清湯、魚清湯三重組成，再加上醬油調味，湯底輕身之餘味道濃郁😋三層肉同叉燒肉質軟荏，味道唔錯帶少少油香，湯底、拉麵、肉三者一齊食味道的確好正👍牡蠣拉麵🦪🍜$128季節限定就當然要試下，湯底由蠔湯、豬骨清湯同魚清湯組成，而且湯身一樣好輕身，味道鮮甜，而醬漬牡蠣好入味好CREAMY，但係得一隻有啲唔夠喉🙈涼拌黑松露紋甲墨魚🦑$70酸酸甜甜，墨魚粒彈牙得嚟一啲都唔韌，配埋清爽嘅青瓜絲同洋蔥絲一齊食，口感豐富😁唐揚搏多華味鳥🐓$88外層少少脆口，肉質軟嫩多汁，肉質彈牙木村 梳打汽水 信州巨峰🍇$38飲完感覺清新，提子味濃白桃 焙茶🍑$38桃味濃郁，有淡淡嘅茶味下次有時間去埋銅鑼灣間分店試下佢個黃金牡蠣先🤤
尖沙咀H Zentre依間日本米芝連過江龍拉麵店已經想食好耐，成日食晏時間經過都見到座無虛席，今次終於俾我搵到時間避開到食晏嘅人潮啦😁
餐廳位置好近尖沙咀港鐵站K出口🚉，一出就會見到大大塊玻璃幕牆同埋餐廳個招牌👀所以好易搵到，門口就要入返商場啦。餐廳色調偏向黑色同金銅色，高貴得嚟帶啲古樸典雅嘅日式感覺⛩
貝汁醬油拉麵🐚🍜$128得獎拉麵，湯底由蜆湯、豬骨清湯、魚清湯三重組成，再加上醬油調味，湯底輕身之餘味道濃郁😋三層肉同叉燒肉質軟荏，味道唔錯帶少少油香，湯底、拉麵、肉三者一齊食味道的確好正👍
牡蠣拉麵🦪🍜$128季節限定就當然要試下，湯底由蠔湯、豬骨清湯同魚清湯組成，而且湯身一樣好輕身，味道鮮甜，而醬漬牡蠣好入味好CREAMY，但係得一隻有啲唔夠喉🙈
涼拌黑松露紋甲墨魚🦑$70酸酸甜甜，墨魚粒彈牙得嚟一啲都唔韌，配埋清爽嘅青瓜絲同洋蔥絲一齊食，口感豐富😁
唐揚搏多華味鳥🐓$88外層少少脆口，肉質軟嫩多汁，肉質彈牙
木村 梳打汽水 信州巨峰🍇$38飲完感覺清新，提子味濃
白桃 焙茶🍑$38桃味濃郁，有淡淡嘅茶味
下次有時間去埋銅鑼灣間分店試下佢個黃金牡蠣先🤤
張貼
