影片
更多
2023-09-15
21 瀏覽
繼上星期颱風襲港後連場暴雨，氣溫一早一晚清涼了不少🌀除咗要帶多件外套怕凍親之外，涼涼地去打邊爐就最啱feel🥰觀塘雖然出名食肆多，但人流更多，好多食肆都會大排長龍🥶最怕人多嘅我今次上網做足功課，搵到間係巧明街相對較靜嘅大廈開餐。餐廳係國基集團中心，港鐵站步行五分鐘就到，地點方便👍🏻用餐時間係星期日晚上，如我所料一到餐廳直入唔使排隊，眼見餐廳七成滿，大多數嘅人都係打邊爐嘅。餐廳環境寬敞，枱與枱之間距離充足，仲有一道薄薄嘅藤織屏風隔住增強私隱度，咁樣傾偈先夠盡興嗎☺️坐低後我哋就叫咗一人一鍋超值套餐，湯底有三款，可單點亦可配套餐，豐儉由人☺️無辣不歡的我當然揀麻辣鍋套餐啦！仲要附送我最愛嘅鴨血😆跟餐有一份豚肉，如果想食牛嘅可以升級套餐，分別有美國或澳洲牛，而部位亦有三款選擇，價錢都係加$20-$40。另外仲有雜菜、丸，飯/麵。相當經濟👍🏻藥膳麻辣鍋套餐$148湯底附送既鴨血同豆腐夠滑溜夠入味，麻辣得來帶有陣陣藥膳味。套餐配鹿兒島豚腩肉。豚腩肉富彈性，脂肪分布均勻，一咬落去肉汁香甜四溢☺️牛骨沙茶鍋套餐$138湯底牛骨味濃厚配合沙茶夠惹味😋套餐升級後，揀咗澳洲草飼M5牛頸脊（+$25）。牛頸脊口感
觀塘雖然出名食肆多，但人流更多，好多食肆都會大排長龍🥶最怕人多嘅我今次上網做足功課，搵到間係巧明街相對較靜嘅大廈開餐。餐廳係國基集團中心，港鐵站步行五分鐘就到，地點方便👍🏻
用餐時間係星期日晚上，如我所料一到餐廳直入唔使排隊，眼見餐廳七成滿，大多數嘅人都係打邊爐嘅。餐廳環境寬敞，枱與枱之間距離充足，仲有一道薄薄嘅藤織屏風隔住增強私隱度，咁樣傾偈先夠盡興嗎☺️
坐低後我哋就叫咗一人一鍋超值套餐，湯底有三款，可單點亦可配套餐，豐儉由人☺️無辣不歡的我當然揀麻辣鍋套餐啦！仲要附送我最愛嘅鴨血😆跟餐有一份豚肉，如果想食牛嘅可以升級套餐，分別有美國或澳洲牛，而部位亦有三款選擇，價錢都係加$20-$40。另外仲有雜菜、丸，飯/麵。相當經濟👍🏻
藥膳麻辣鍋套餐$148
湯底附送既鴨血同豆腐夠滑溜夠入味，麻辣得來帶有陣陣藥膳味。套餐配鹿兒島豚腩肉。豚腩肉富彈性，脂肪分布均勻，一咬落去肉汁香甜四溢☺️
牛骨沙茶鍋套餐$138
湯底牛骨味濃厚配合沙茶夠惹味😋套餐升級後，揀咗澳洲草飼M5牛頸脊（+$25）。牛頸脊口感爽嫩軟滑，牛味細緻油花適中，好食到想繼續追加！😎
雜菜盤方面不得不提大甲芋頭，芋頭口感綿密鬆軟，入口即化，香味濃郁，係我打邊爐不可缺少嘅食材🥰最後煮埋個冬粉同丸子拼盤，吸晒湯底啲精華食，太滿足喇！❤️
餐廳整體評分不錯，價錢合理，食材新鮮，店員有禮，係一間值得推介嘅餐廳喔👍🏻
張貼
