川火堂

營業中

休息中

想食酸菜魚，搵到附近呢間川菜餐廳好似都唔錯，一試之後覺得性價比都幾高。 金湯酸菜魚嚟到川菜館唔敢嗌大辣，揀咗微辣試下先。辣度容易入口，但食食下就開始愈來愈辣，幾過癮。魚片嫩滑，份量多。仲有酸菜、萵荀片、寬粉、芽菜等配料，好豐富。個人覺得再酸啲就更滋味。 清炒萵荀絲相對之下呢道菜真係好清淡，啱晒解辣。萵荀絲炒得青脆爽口，好清甜。 手工紅糖糍粑炸得外脆內軟，煙煙韌韌有咬口。沾上豆粉好香口，紅糖甜滋滋。 熊貓冰粉造型可愛，係打卡之選。冰粉本身冇乜味道，口感滑溜清涼，加入少少糖漿即刻感覺清甜解辣。仲有花生、提子乾等增加口感層次。