長阪燒

營業中

休息中

今日約左個同事一齊食個late lunch，我地叫左好多野食。午市套餐配是日前菜（胡麻豆腐）、和風沙律、味噌湯。燒花魚一夜干定食配御飯，一夜干好大條而且多魚肉，鹹鹹地送飯一流。蟹籽沙律幾抵食。茶碗蒸熱辣辣，入口綿滑，有雞肉同菇係入面。蜆肉烏冬好彈牙，蜆肉有好多粒而且鮮甜。蔥粒吞拿魚蓉軍艦、立魚（柚子）壽司、油甘魚（松露）壽司、鰻魚牛油果卷全部都唔錯。除左新鮮肥美，連壽司飯都好有味道同軟熟。天婦羅蟹柳壽司係熟既壽司，一樣好味，一啲都唔油膩，反而好香脆。