Misu Seafood Cuisine

營業中

休息中

今晚跟朋友去左依間高級餐廳食海鮮fusion菜。餐廳環境雅緻有氣氛，非常闊落私人空間十足，到此二人世界確係唔錯。晚餐選擇唔多，去到坐低秒速揀左 精選套餐 $288x2，包左沙律、餐湯、兩道菜和甜品，屬中價級別食材優質，好食到舐舐脷。時令野菜沙律以新鮮爽脆的沙律菜，撈埋爽口青瓜絲和粒粒蟹子，口感豐富，加左麻醬汁底實無死，簡單又美味。前菜 (刺身三款+南非磯煮鮑魚)刺身新鮮每款兩件，色澤鮮艷紋理好靚，魚塊厚切達至 1cm最佳厚度。三文魚腩肉質柔軟，食落滿口油香。油甘魚腩厚實甘甜。甜蝦鮮甜肉質彈牙。鮑魚咬落口感煙韌彈牙，蘸了鮑魚肝醬，美味程度十級而上，超讚。是日餐湯䲞魚鮮蜆湯，放左一大隻馬刀貝好吸睛，大蜆阻住飲湯務必KO左先，蜆肉肥美無沙口感煙韌，湯味清甜幾好飲。活鮮龍蝦鮑魚汁焗飯沙蜆表現平平，被主角開邊龍蝦搶晒風頭，龍蝦新鮮爽口彈牙肉質嫩，食落好香牛油味。焗飯香噴噴似足煲仔飯有飯焦香口惹味，飯粒飽滿粒粒分明，鮑魚汁滲透每粒飯好入味。蜜糖脆脆鬆餅 +$68三層鬆餅口感軟熟，塗滿唔甜的朱古力醬，甜度來自咬落鬆化的蜜糖脆脆，味道唔錯。