影片
更多
2023-11-18
25 瀏覽
天氣開始凍，又係時候要烚吓烚吓！除咗平時去開嘅大型連鎖火鍋店，有時去吓啲火鍋私房菜，食材用料更高質，而且環境比較好坐，有冇限時，可以同屋企人慢慢打個邊爐，今次散嗌咗少少試一試佢～後尾先知原來呢間火鍋小店推出咗四人海鮮火鍋套餐，除咗有自家製滋補燉湯火鍋，仲有海鮮拼盤、原隻龍蝦、手切安格斯牛呢啲高質食材，人均都唔使$300，性價比都幾高😳，下次再嚟試！------------------------------🥘◖芫荽皮蛋x沙嗲濃湯◗ 叫咗鴛鴦湯底，芫荽皮蛋湯用咗大量芫荽、鹹鴨同甜菜皮蛋熬煮，清清地拎嚟煮海鮮一流；沙嗲湯底好重花生味，成個湯幾稠，夠濃郁！🐟◖脆鯇魚片◗ 鯇魚片一份有好多片，每片都好厚切🐖◖鮮粉腸◗ 佢嘅粉腸處理得幾好幾乾淨，放咗落沙嗲湯度煮，好入味！煮完之後口感有啲韌，但都幾易咬，裏面粉粉地，口感幾特別！🥟◖美顏雲吞◗ 呢個素菜餃裏面夾住紅蘿蔔、椰菜，餃子皮亦都唔會太厚，幾清甜🧆◖手打四寶丸◗可以試到四款佢哋嘅招牌手打丸，有金沙牛丸、黑松露豬肉丸、清酒鮮蝦丸同柚子墨魚丸，口感都幾彈牙。覺得佢哋個牛丸同豬肉丸做得幾出色，牛丸有起沙嘅鹹蛋黃；豬肉丸濃郁嘅黑松露味超香，但
------------------------------
🥘◖芫荽皮蛋x沙嗲濃湯◗
叫咗鴛鴦湯底，芫荽皮蛋湯用咗大量芫荽、鹹鴨同甜菜皮蛋熬煮，清清地拎嚟煮海鮮一流；沙嗲湯底好重花生味，成個湯幾稠，夠濃郁！
🐟◖脆鯇魚片◗
鯇魚片一份有好多片，每片都好厚切
🐖◖鮮粉腸◗
佢嘅粉腸處理得幾好幾乾淨，放咗落沙嗲湯度煮，好入味！煮完之後口感有啲韌，但都幾易咬，裏面粉粉地，口感幾特別！
🥟◖美顏雲吞◗
呢個素菜餃裏面夾住紅蘿蔔、椰菜，餃子皮亦都唔會太厚，幾清甜
🧆◖手打四寶丸◗
可以試到四款佢哋嘅招牌手打丸，有金沙牛丸、黑松露豬肉丸、清酒鮮蝦丸同柚子墨魚丸，口感都幾彈牙。覺得佢哋個牛丸同豬肉丸做得幾出色，牛丸有起沙嘅鹹蛋黃；豬肉丸濃郁嘅黑松露味超香，但覺得蝦丸同墨魚丸稍為遜色，調味會略蓋過丸嘅鮮味～
🐂◖手切安格斯◗
佢嘅口切牛肉好有誠意，一盤嘅份量都有幾多，雪花嘅紋路好靚，肉質軟腍，食落去牛肉味濃郁，亦都唔會覺得好膩
🦐◖黑虎蝦大蜆◗
呢度嘅海鮮好新鮮，黑虎蝦肉質緊實，好鮮甜；大蜆大大粒，肉質飽滿！
🥬◖油麥菜◗
食到最後加啲油麥菜去煮，吸晒啲湯汁，特別鮮甜
🌟 Encore指數：9.3/10
張貼
