影片
更多
2023-12-12
12 瀏覽
一條靜靜的街上有一間日式庭院風嘅店舖，唔知仲以為係一間Gallery，其實係我早左個幾月book位嘅Omakase🍣餐廳內部裝修好有空間感，出面仲有個小庭院，大約有10個位左右，我地大約7點到已經full house😱坐低左之後師傅好friendly咁同我地打招呼😆先付昆布鰈魚、岩手縣海老、鴨肉、銀杏、糖漬栗子擺盤好有心思，係秋天紅葉🍁theme，最驚喜係銀杏有淡淡香味，一d苦味都冇季節Suimono~ 木之子 (秋刀魚、松茸、菇)師傅每上一道菜都會好用心介紹，食完餐飯會長左好多知識🤓木之子係指木頭生出黎嘅菇菌類，配上鮮甜嘅秋刀魚Sashimi 刺身平目魚 (魚肉同沿側) :魚肉鮮甜，沿側就爽滑充滿油香，配上酸汁，仲有醋骨俾你調節酸度香箱蟹師傅拎左手臂咁大隻嘅香箱蟹出黎係我地面前拆肉起膏，蟹膏蟹子都爆多，香箱蟹正值當造嘅季節，見到滿滿嘅橙色就知道係肥美，最正嘅係有專人拆殼，淡淡蟹膏蟹肉，滿足到一個點呀🥰🤩石川寒鰤黎自石川嘅寒鰤，又一當造嘅代表，係我最喜愛嘅Top 3，鮮甜得黎又充滿油香，好impressive ❤️八爪魚刺身、吸盤配醬油漬Wasabi深海大Monster ，師傅專登拎左原
餐廳內部裝修好有空間感，出面仲有個小庭院，大約有10個位左右，我地大約7點到已經full house😱坐低左之後師傅好friendly咁同我地打招呼😆
先付
昆布鰈魚、岩手縣海老、鴨肉、銀杏、糖漬栗子
擺盤好有心思，係秋天紅葉🍁theme，最驚喜係銀杏有淡淡香味，一d苦味都冇
季節Suimono~ 木之子 (秋刀魚、松茸、菇)
師傅每上一道菜都會好用心介紹，食完餐飯會長左好多知識🤓木之子係指木頭生出黎嘅菇菌類，配上鮮甜嘅秋刀魚
Sashimi 刺身
平目魚 (魚肉同沿側) :魚肉鮮甜，沿側就爽滑充滿油香，配上酸汁，仲有醋骨俾你調節酸度
香箱蟹
師傅拎左手臂咁大隻嘅香箱蟹出黎係我地面前拆肉起膏，蟹膏蟹子都爆多，香箱蟹正值當造嘅季節，見到滿滿嘅橙色就知道係肥美，最正嘅係有專人拆殼，淡淡蟹膏蟹肉，滿足到一個點呀🥰🤩石川寒鰤
黎自石川嘅寒鰤，又一當造嘅代表，係我最喜愛嘅Top 3，鮮甜得黎又充滿油香，好impressive ❤️
八爪魚刺身、吸盤配醬油漬Wasabi
深海大Monster ，師傅專登拎左原條八爪魚腳show俾我地睇佢有幾巨型！第一次咁食吸盤，原來係勁脆，特別中意個醬油漬Wasabi，食落好刺激😂個碟仲要勁靚，成幅畫咁
佐賀赤貝、北海道白見貝
本身已經好中意食貝類刺身，赤貝超新鮮爽口，第一次食白見貝，食落有d似象拔蚌，但就更加鮮甜
北海道三文魚子配蘿蔔蓉
新鮮三文魚子比平時食開嘅更加脆卜卜，有幾粒仲係師傅放落杯個陣偷偷彈走左😂加埋蘿蔔蓉又係神來之筆，無諗過佢地係咁match
季節料理
昆布醬油燒白子
食完一輪刺身，就到熟食啦，白子見人食得多，不過都係刺身為主，醬油燒白子我都係第一次食，感覺好creamy 好香好滑
海老真丈
師傅介紹海老真丈呢個名聽到我地成頭問號😂原來係炸蝦丸，日本人改名真係好叻😎食落感覺有少少個魚腐，但就係蝦味同彈牙d，熱辣辣炸起好好食😋師傅好細心咁提我地唔好辣親
Sushi 壽司
金目鯛
魚皮燙過，所以可以連皮食，保留皮下脂肪，食落又有多一重口感
大分關鯖
黎自大分嘅關鯖肉質紮實，食落好彈，魚味濃郁
福岡槍魷魚
魷魚肉厚，師傅好細心咁界咗花紋，怕食落好難咬
秋刀魚
秋刀魚雖然嚟到季尾，但係今晚呢件壽司仍然超高質！
帆立貝
帆立貝壽司好似一粒波波😆其實係師傅好細心，知道我哋兩個女仔食唔到咁多飯，又想俾我哋試多啲唔同嘅嘢，所以整到d飯細細粒🥰
新鮮醬油漬赤身、中拖羅、大拖羅
去到尾聲係吞拿魚三寶，本人最愛係中Toro，但今晚赤身同埋大Toro打俾我更加多嘅驚喜！用新鮮醬油積極赤身食落好嫩滑，師傅話係因為用咗最中心位嘅赤身去做，新鮮醬油漬又唔會太鹹 💯
大拖羅平時食落去好油膩同埋好多筋，經過師傅特別處理過食落冇乜筋之餘仲用鹽好巧妙感降低個油膩感👍
海膽海苔包
超鍾意食海膽😎多到掉出黎嘅海膽食落去真係好滿足，日本海膽就係香濃同鮮甜
甜品
蒸南瓜布甸配和歌山柿
其實去到呢一刻我個肚已經飽到爆炸😂但係見到甜品又開啟咗另外一個胃，蒸嘅南瓜布甸好香濃南瓜味，配埋甜甜嘅和歌山柿真係畫上一個超級完美嘅句號❣️
今次係我第一次食晚餐嘅omakese ，份量同種類已經遠超過我嘅想像，首先係師傅嘅專業，全晚都係佢一個人serve晒全場嘅客人，速度快不特只，仲要照顧到每位客人嘅需要同細心介紹，佢主動同我哋兩個傾偈，令到我哋成餐飯都食得好開心，又學咗好多唔同嘅魚同埋海鮮嘅名，仲有同我哋分享咗好多日本小資訊，除咗有高質嘅食物同細心嘅服務，舒服嘅環境，望住師傅準備食物同擺盤，其實都係另外一種表演，十分賞心悅目❤️
張貼
