影片
更多
2017-08-11
831 瀏覽
今日Team Dinner，好鍾意食海鮮嘅大佬今次話唔去鯉魚門喇，揀左嚟御膳食私房菜（隔嚟Team阿姐極力推介）。成Team裁左一半人，即係剩低嘅人要做雙份野，OT無間斷，唯一保持嘅就係Team Dinner。有得食，總好過冇得食！今次交俾我負責，打電話去訂位，講低日期、時間、人數、電話同食物要求，店員就話會WhatsApp個餐單我睇睇，第二日收到餐單，Forward去Team個Whatsapp Group，冇人有意見就扑鎚決定！我哋都冇人食過御膳，因為佢冇做午市，只做晚市！全店只有六張枱，今晚全場滿座。香芒沙律大蝦球四人份炸蝦球配新鮮芒果、青提子、藍莓、紅蘋果、青蘋果、士多啤梨，蝦球即炸熱辣辣，生果新鮮，梗好食，作為頭盤最啱！大肉蟹一隻，約一斤。可以揀花雕雞油蛋白蒸、避風塘炒、薑蔥炒、胡椒炒、四川香辣炒，我哋一致揀左花雕蒸，皆因大家未食過。一上枱就好香花雕味，仲成隻蟹型擺返出嚟，好有氣勢！肉蟹好厚肉，彈牙，下次要加錢要夠兩隻或要隻斤半先得，好正！花雕味香，但味道唔會過濃，蟹肉中散發出啖啖酒香味！唔單止隻蟹出色，連蛋白好嫩滑，滑到似豆腐花，仲有啲蟹味酒味滲左入去，但雞油就唔多覺喇！我哋
香芒沙律大蝦球四人份
炸蝦球配新鮮芒果、青提子、藍莓、紅蘋果、青蘋果、士多啤梨，蝦球即炸熱辣辣，生果新鮮，梗好食，作為頭盤最啱！
大肉蟹一隻，約一斤。可以揀花雕雞油蛋白蒸、避風塘炒、薑蔥炒、胡椒炒、四川香辣炒，我哋一致揀左花雕蒸，皆因大家未食過。
一上枱就好香花雕味，仲成隻蟹型擺返出嚟，好有氣勢！肉蟹好厚肉，彈牙，下次要加錢要夠兩隻或要隻斤半先得，好正！花雕味香，但味道唔會過濃，蟹肉中散發出啖啖酒香味！
唔單止隻蟹出色，連蛋白好嫩滑，滑到似豆腐花，仲有啲蟹味酒味滲左入去，但雞油就唔多覺喇！我哋極速食晒，連一啲蛋白都冇剩！
生煎東星班12兩（養魚），唔算大條，魚皮煎得好香脆，肉質係結實彈牙，我自己鍾意蒸魚嘅嫩滑口感，同事們就鍾意煎魚味香濃。
白胡椒爆炒南非鮑魚4隻，用鮑魚殼伴碟，美觀又環保。
鮑魚新鮮潔白，白胡椒味香，惹味而不辛辣不嗆喉，亦無搶走鮑魚鮮味。一口一隻，彈牙而滿足。
蒜蓉粉絲蒸蟶子王4只，蟶子王size幾大隻。
用左生蒜蓉同炸蒜去蒸，雙重滋味。蒜香味更帶出蟶子本身嘅爽甜味道。
而下面加左粉絲，吸盡精華。又
江南百花雞半只，雞肉去骨，釀上蝦滑，一軟一彈牙，口感十足。面頭加上玻璃芡，更添幼滑。
雞肉都好嫩滑。
上湯浸時菜，時菜係西蘭花，西蘭花偏硬，再煮耐啲會好啲。
招牌御膳炒飯，好大碟，材料足，有蝦、蛋、帶子、魷魚、肉粒、菜粒，最正係炒得好有鑊氣。
甜品 - 芒果布甸，一人一杯。
有新鮮芒果肉，特別香甜，仲配有花奶，落少少食落更香滑。
全單$1748，有齊魚蝦蟹，材料都落重本，又食到飽飽，「滿足」! 而且部份菜式嘅烹調方法都係第一次試，感覺新鮮。全晚店員不斷換碟換碗，仲不斷加水，收碟爽快，服務唔錯架。 睇返餐牌，仲有好多想食嘅菜式。原來兩個人都有套餐，又可以即場散點，希望下次我哋team可以多返啲人，可以食多啲開心啲！
張貼
