影片
更多
2024-05-14
831 瀏覽
好多年以前爸爸喺深水埗開舖頭，已經聽佢講過以前會食「雪山」🗻，一直都不以為意；到前幾年聽講會結束營業，想食嘅時候大排長龍，到後來好似由老闆嘅親戚接手，到依家已經開埋分店，真係經歷過時間洗禮嘅餐廳。翻新過後，依然保留住舊有餐廳嘅擺設；雖然係新裝修，但食物款式依舊，甚至加入咗新元素。今日終於的起心肝去食，好彩今日唔算多人，等咗一陣就有枱。我哋叫咗波士頓龍蝦叻沙摻摻、南洋咖喱牛筋腩飯、榛子醬西多士🦞🍜$98食到半隻龍蝦，仲要啖啖肉，配料又好豐富，有豆卜、魚片、雞蛋、芽菜，叻沙湯底勁濃加大大碗摻摻麵，真係好抵食！🐂🍚南洋咖喱牛筋腩飯，最鍾意佢有淡淡嘅椰香味，唔會剩係得個辣，牛筋牛腩比例啱啱好，撈飯食一流！🧇榛子醬西多士呢個配搭真係好邪惡，牛油+糖漿+炸麵包+榛子醬，完全唔需要解釋，食到停唔到😋
好多年以前爸爸喺深水埗開舖頭，已經聽佢講過以前會食「雪山」🗻，一直都不以為意；到前幾年聽講會結束營業，想食嘅時候大排長龍，到後來好似由老闆嘅親戚接手，到依家已經開埋分店，真係經歷過時間洗禮嘅餐廳。翻新過後，依然保留住舊有餐廳嘅擺設；雖然係新裝修，但食物款式依舊，甚至加入咗新元素。今日終於的起心肝去食，好彩今日唔算多人，等咗一陣就有枱。
我哋叫咗波士頓龍蝦叻沙摻摻、南洋咖喱牛筋腩飯、榛子醬西多士
🦞🍜$98食到半隻龍蝦，仲要啖啖肉，配料又好豐富，有豆卜、魚片、雞蛋、芽菜，叻沙湯底勁濃加大大碗摻摻麵，真係好抵食！
🐂🍚南洋咖喱牛筋腩飯，最鍾意佢有淡淡嘅椰香味，唔會剩係得個辣，牛筋牛腩比例啱啱好，撈飯食一流！
🧇榛子醬西多士呢個配搭真係好邪惡，牛油+糖漿+炸麵包+榛子醬，完全唔需要解釋，食到停唔到😋
張貼
