影片
更多
2024-11-07
159 瀏覽
天氣開始涼返，最好就係去打邊爐。近年興起嘅邊爐，潮汕火鍋，之前只係喺內地比較多機會食到。而家香港都有好多潮汕火鍋，其中包括呢間旺角嘅…潮城潮汕火鍋潮汕火鍋嘅特色係用新鮮牛肉，所以佢哋會食到好刁鑽，好多部位都未聽過。另外佢哋會用比較清淡嘅湯底，突出食材嘅原味。以下係我哋叫咗嘅嘢 : 牛骨湯底 $68匙柄 $78三花趾 $78蒙古羊肉片 $68炸 • 潮州魚蛋 4粒 $33魚皮餃 4粒 $33獅頭鵝肉丸 4粒 $33娃娃菜 $23醬料費用 (2位) $30健康工房·檸檬薏米水 $20健康工房·竹蔗茅根海底椰 $20特別要講嘅係”牛骨湯底”，雖然價錢平，但味道相當清甜，我哋係飲咗一碗先開始烚嘢食。特別要讚嘅係蘿蔔非常腍同甜，粟米亦相當唔錯。另外牛肉都係水準之上。相比之下，”匙柄”屬於瘦嘅牛肉，切得較薄，所以烚2秒就好食。而”三花趾”明顯較有質感同實在，要烚足8秒。”蒙古羊肉”係有驚喜嘅，羊味突出又唔會太騷，點埋醬料啱啱好。“炸潮州魚蛋”係熟食，適合一上菜就食咗先。最後要講嘅係”獅頭鵝肉丸”。呢個同樣係潮汕火鍋嘅特色，表面上同豬肉丸差唔多，其實亦更有油香同質感，亦都會食到一絲甜美。總括嚟講，潮
近年興起嘅邊爐，潮汕火鍋，之前只係喺內地比較多機會食到。而家香港都有好多潮汕火鍋，其中包括呢間旺角嘅…
潮城潮汕火鍋
潮汕火鍋嘅特色係用新鮮牛肉，所以佢哋會食到好刁鑽，好多部位都未聽過。另外佢哋會用比較清淡嘅湯底，突出食材嘅原味。以下係我哋叫咗嘅嘢 :
牛骨湯底 $68
匙柄 $78
三花趾 $78
蒙古羊肉片 $68
炸 • 潮州魚蛋 4粒 $33
魚皮餃 4粒 $33
獅頭鵝肉丸 4粒 $33
娃娃菜 $23
醬料費用 (2位) $30
健康工房·檸檬薏米水 $20
健康工房·竹蔗茅根海底椰 $20
特別要講嘅係”牛骨湯底”，雖然價錢平，但味道相當清甜，我哋係飲咗一碗先開始烚嘢食。特別要讚嘅係蘿蔔非常腍同甜，粟米亦相當唔錯。
另外牛肉都係水準之上。相比之下，”匙柄”屬於瘦嘅牛肉，切得較薄，所以烚2秒就好食。而”三花趾”明顯較有質感同實在，要烚足8秒。”蒙古羊肉”係有驚喜嘅，羊味突出又唔會太騷，點埋醬料啱啱好。
“炸潮州魚蛋”係熟食，適合一上菜就食咗先。最後要講嘅係”獅頭鵝肉丸”。呢個同樣係潮汕火鍋嘅特色，表面上同豬肉丸差唔多，其實亦更有油香同質感，亦都會食到一絲甜美。
總括嚟講，潮汕火鍋相對係清甜嘅火鍋類，唔會太熱氣，太濃味，但同時會食到食物嘅鮮味。而家旺角嘅”潮城”都可以食到潮汕火鍋，價錢又合理，都係一個好嘅選擇。
張貼
