Flames (鴻圖道)

觀塘雖然出名食肆多，但人流更多。好多食肆都會大排長龍。最怕人多嘅我今次上網做足功課，搵到間係鴻圖道相對靜中帶旺的餐廳開餐。餐廳係鴻圖道Two sky parc地下，港鐵站步行十分鐘就到，地點非常方便。用餐時間係星期一晚上八點左右，入座時眼見都有八成滿。香辣炸雞⁸⁸香辣炸雞外皮炸得金黃香脆，雞肉肉汁豐盈，肉質嫩滑，味道濃郁。隨碟還附上香辣醬汁，味道帶微辣，食起來更滋味！燒大蝦三文魚籽龍蝦汁扁意粉¹⁵⁸龍蝦汁味道鮮甜帶點甘香，意粉軟硬適中，吸收晒龍蝦汁後兩者配搭非常美味。加上有大大粒鹹香鮮味的三文魚籽，豐富了整體的口感。而燒大蝦肉質爽口彈牙，味道鮮甜，口感滿足！香煎照燒汁橙鯛魚柳 烤蔬菜 芝麻油烤粟米¹⁹⁸鯛魚柳外皮煎得金黃香脆帶點微焦，加上鹹中帶甜的照燒汁，相當惹味！而魚柳肉質鮮嫩，口感厚實。伴碟還有烤粟米、椰菜花，西蘭花等等，有營又健康！總結餐廳無論食物質素價錢份量，服務態度，環境評價都好高。係一間好值得推介嘅西餐廳。