影片
更多
2021-09-10
616 瀏覽
有朋友推介話呢間位於大角咀既大丸拉麵非常好食😋咁岩太耐冇食過拉麵，就黎試一試係咪真係咁正😁佢舖面其實非常細，大概得10幾個吧台位左右，繁忙時間黎食就要黎排下隊啦🤩今次黎試個蝦丸，上面有好多櫻花蝦，蝦味非常之濃郁，湯底亦都係比較杰嗰種，個人覺得如果你唔係特別重口味，油揀少量就可以🟡好肯定既係佢既湯底一定冇落味精，因為食完真係冇口渴😋麵方面我揀左粗麵，煙韌有咬口，掛左啲湯喺上面，啖啖都食到蝦味🦐叉燒脂肪冇其他拉麵舖咁多亦都相對地薄，但好處就係唔會有筋易咬🥩我同朋友分別嗌左唔同既餃子share食🥟我嗌既係關西風餃子，食落真係有大阪燒既味道😛木魚片俾得好足，餃子本身既味道都好好👍🏼但如果你本身鍾意食蔥既話，我強烈建議你嗌青蔥沙律醬的，蔥增添左好多口感同清爽度，佢仲有落少少辣椒粉落餃子度，令佢喺口味上同另一款有更大既分別，強烈推薦！！老闆係日本人黎，我只係喺佢覆我單既時候聽過佢講廣東話，其餘時間佢都係講日文，我有一刻以為真係去左日本既拉麵舖🥰絕對有下次啊！
佢舖面其實非常細，大概得10幾個吧台位左右，繁忙時間黎食就要黎排下隊啦🤩
蝦丸
8 瀏覽
0 讚好
0 留言
今次黎試個蝦丸，上面有好多櫻花蝦，蝦味非常之濃郁，湯底亦都係比較杰嗰種，個人覺得如果你唔係特別重口味，油揀少量就可以🟡好肯定既係佢既湯底一定冇落味精，因為食完真係冇口渴😋
麵方面我揀左粗麵，煙韌有咬口，掛左啲湯喺上面，啖啖都食到蝦味🦐叉燒脂肪冇其他拉麵舖咁多亦都相對地薄，但好處就係唔會有筋易咬🥩
我同朋友分別嗌左唔同既餃子share食🥟
關西風餃子
11 瀏覽
0 讚好
0 留言
我嗌既係關西風餃子，食落真係有大阪燒既味道😛木魚片俾得好足，餃子本身既味道都好好👍🏼但如果你本身鍾意食蔥既話，我強烈建議你嗌青蔥沙律醬的，蔥增添左好多口感同清爽度，佢仲有落少少辣椒粉落餃子度，令佢喺口味上同另一款有更大既分別，強烈推薦！！
老闆係日本人黎，我只係喺佢覆我單既時候聽過佢講廣東話，其餘時間佢都係講日文，我有一刻以為真係去左日本既拉麵舖🥰絕對有下次啊！
張貼
