幸屋

營業中

休息中

與友放工過來食碗風味拉麵，質素確係唔錯，小店用心經營，地方細細食客不絕，價錢經濟，拉麵小食同樣好味。廣島蠔沾麵 $118廣島蠔三隻，蠔身飽滿好有蠔味。沾麵揀了粗麵口感煙韌彈牙，湯味甚濃沾上麵條美味，石鍋保持熱度熱住食係好味D。黑蒜濃厚山藥豚骨拉麵 $88豚骨湯底濃郁蒜香味濃，山藥味唔係好重。叉燒揀了半肥瘦豚角煮，肉質軟腍，厚身好有咬口。拉麵口感十足，配料豐富有肉醬、溏心蛋、木耳、蔥碎、椰菜等，食完非常滿足。吉列廣島蠔 $42炸蠔四件，外層炸得金黃酥，咬落好juicy，配埋醬汁酸甜美味。芝麻手羽 $38雞翼一客兩件，外皮薄薄炸粉炸得超香脆，芝麻好香口惹味，雞肉保持嫩滑，好有水準未食過咁好食的，值得一食。