影片
更多
2021-01-22
33 瀏覽
去荃灣諗住行Donki，去到附近12點鐘左右，就係如心廣場到覓食，食飽飽再慢慢行。好耐冇食台灣菜，咁啱見到呢間段純貞牛肉麵，12點門口已經有4,5個人等緊，心諗啱啱開午市都有隊排，就試試佢有幾勁。等左10分鐘左右，就可以入座。睇完嗰menu，心血來潮想點D次熱門選擇，就點左 燉蕃茄腱心半筋半肉麵、酥炸排骨同冷泡凍頂烏龍茶3樣嘢。趁嘢食上嚟前就望下環境，設計都有D中式庭園風，枱同枱中間仲有塊有膠板嘅木屏風仔隔一隔，感覺都做足防疫措施。坐左一陣，嗰麵好快就嚟左先，上面有一整嚿蕃茄，仲有牛腱同牛筋各兩大嚿，賣相唔錯，隨麵仲跟一細碟酸菜。先飲啖湯底，一開始以為係純茄湯，估唔到佢嗰湯底都係紅燒湯底為主，一落口係濃郁嘅紅燒湯頭，再飲蕃茄味亦開始浮出嚟，微微茄酸同微微紅燒嘅辣融合埋一齊，不但令濃郁湯頭加一D清新嘅感覺，仲多一層次。再嚟試下肉，牛腱同牛筋都燉得好腍，一咬即化，亦都好入味，正。嗰麵底有得揀細麵同手工麵，我揀左手工麵，食落感覺有D似厚少少嘅刀削麵，有咬口又掛到湯。食左幾啖再試試嗰酸菜，味道幾濃，好開胃。食緊途中嗰冷泡烏龍都上左，佢係一個樽仔咁上，店員會倒一D落杯再上枱。一樽可以倒到2杯左右
等左10分鐘左右，就可以入座。睇完嗰menu，心血來潮想點D次熱門選擇，
就點左 燉蕃茄腱心半筋半肉麵、酥炸排骨同冷泡凍頂烏龍茶3樣嘢。
趁嘢食上嚟前就望下環境，設計都有D中式庭園風，枱同枱中間仲有塊有膠板嘅木屏風仔隔一隔，感覺都做足防疫措施。
燉蕃茄腱心半筋半肉麵
$84
13 瀏覽
0 讚好
0 留言
坐左一陣，嗰麵好快就嚟左先，上面有一整嚿蕃茄，仲有牛腱同牛筋各兩大嚿，賣相唔錯，隨麵仲跟一細碟酸菜。
先飲啖湯底，一開始以為係純茄湯，估唔到佢嗰湯底都係紅燒湯底為主，一落口係濃郁嘅紅燒湯頭，再飲蕃茄味亦開始浮出嚟，
微微茄酸同微微紅燒嘅辣融合埋一齊，不但令濃郁湯頭加一D清新嘅感覺，仲多一層次。
再嚟試下肉，牛腱同牛筋都燉得好腍，一咬即化，亦都好入味，正。
嗰麵底有得揀細麵同手工麵，我揀左手工麵，食落感覺有D似厚少少嘅刀削麵，有咬口又掛到湯。
食左幾啖再試試嗰酸菜，味道幾濃，好開胃。
冷泡凍頂烏龍茶
$30
6 瀏覽
0 讚好
0 留言
一樽可以倒到2杯左右，茶味唔錯，屬中上，品一下仲有少少回甘，不過$30就要自己諗下啦。
酥炸排骨
$48
4 瀏覽
0 讚好
0 留言
醃到D肉好腍，直頭係太腍，冇曬𡁻頭。
嗰炸皮OK，不過D味完全係出面D粉到嚟。
總結嗰麵好味，嗰茶見人見志，道小食唔太推薦。
張貼
