Rempah Noodles

營業中

休息中

依間位於灣仔嘅新馬菜餐廳，每次中午食飯時間經過都大排長龍，今日有啲時間一開門就去試吓佢先。-餐廳主打三款麵食同咖央多士啱晒選擇困難症嘅大家，唔使諗🙌🏻😂順帶一提麵可以免費加底，男士應該唔夠食嘅。-娘惹濃厚喇沙 $98同我想像中唔同首先麵線唔係摻摻😭佢算係幾濃郁嘅laksa 湯底好香椰子味辣度比較溫和對我啱啱好，配料都尚多。不過不失。我反而鍾意食屯門嗰個多啲。-咖央多士 $38聽人講呢個多士係必食之選，上網睇嘅評論都係好嘅，圖片仲好靚添，但今日就有少少失望啦，雖然多士好脆口同有淡淡斑蘭味唔太甜，但中間嘅醬偏薄同溶身。-整體來講如果唔使排隊經開嘅都可以試吓嘅。