幸屋

營業中

休息中

位於灣仔嘅拉麵店幸屋，拉麵款式多樣。聽講呢到嘅沾麵都唔錯，不過店員推薦我呢個新拉麵所以就冇食到沾麵，店員服務態度都唔差。元貝鮭魚卵雞白湯拉麵，拉麵最緊要個湯，而佢個雞白湯湯底夠曬濃厚，唔會驚佢冇味。另外配料都算豐富，有鮭魚卵、元貝同雞肉。自己唔係鍾意食魚子，但佢呢個魚卵我都可以接受，唔會有腥味。另外胡麻王豚骨拉麵，味道特別，湯底有芝麻味，加埋太大塊叉燒食好滿足！小食方面覺得最打卡嘅就係和風餃子，賣相一流，食落面層脆卜卜。