幸屋

營業中

休息中

再次黎到灣仔特式沾麵拉麵店，好鍾意呢度嘅食物同環境～🌟魚介豚骨沾面以粗麵為主，有點像烏冬，但口感食落非常煙靭。碟入面配上唔同材料，流心蛋、厚&薄叉燒。魚介豚骨湯汁濃郁又黏口。沾麵拉上來，見得到非常掛湯。🌟 樱花蝦味增拉麵賣相非常吸引，一上枱會見到大量細細隻脆卜卜櫻花蝦鋪喺個拉麵上面。其次就係有一塊薄叉燒，肉質都算嫩滑，同埋一塊五花腩，大大嚿油脂感滿滿。而拉麵方面，口感幼嫩彈牙。味噌湯底濃郁。朋友非常喜歡。🌟蟹籽沙律菜絲沙律份量都夠，上面鋪有大量蟹籽同沙律醬，抵食好味🌟和風炸雞新鮮現製，熱辣辣上枱已經夠好味。最鍾意炸雞做到外脆內軟～