幸屋

營業中

休息中

今日來到呢間好唔起眼的拉麵店 因為長期比排擋遮住要等夜晚排擋收左工 先會發現原來呢到有間拉麵店選擇都唔少 仲有D季節限定麵的軟硬 湯底濃度等等 都可以customize 好好!!黑松露元貝赤雞胸湯拉麵：食得出黑松露嘅味，亦有帶子嘅鮮香。雞胸好嫩滑，唔想食叉燒的一個好好的選擇。蝦武士拉麵：蝦湯比起平時食嘅豬骨湯少咗一份油膩感，多咗一份海鮮嘅鮮味。流心蛋黃煮得啱啱好，一夾都會流晒出嚟，正。叉燒我就揀咗豚角煮，肥膏相對較多，不過就入口即溶，超有罪惡感。和風餃子：一上碟，感覺上似薄餅，而其實餃子就喺底度。有Mayo 醬加埋食，唔錯。芝士年糕：成個芝士係炸左既，一咬落去，啲芝士就開始流出來。口感幾得意，芝士味道亦濃郁 似係cream cheese，一試無妨。