影片
更多
2022-05-19
430 瀏覽
晚市重啟後食飯多左好多好去處，因為同行者喜歡食海鮮，慶生飯局挑選左係灣仔QRE Plaza 26樓以海鮮做主題既𝕄𝕚𝕤𝕦 𝕊𝕖𝕒𝕗𝕠𝕠𝕕 ℂ𝕦𝕚𝕤𝕚𝕟𝕖。餐廳地方雖然唔算大但裝潢甚有格調。入門口已經見到大大個活海鮮魚缸，中間酒吧船位置以日本清酒做裝飾，甚為吸睛。餐廳走西日路線，主打各類海鮮主題美食。.兩個人去選擇晚市套餐就唔駛傷腦筋。首先要讚下餐廳服務員既態度，實在非常專業有禮，坐低一陣會主動詳細解釋餐單同套餐內容特色。.精選套餐 💲288/1🥗沙津 - 時令野菜沙津🐟前菜 - 刺身三款 或 新鮮南非磯煮鮑魚🍲湯類 – 麵豉湯🦀主菜 - 活鮮蟹鮑魚汁焗飯 (二人份)🥞甜品 - 朱古力脆脆雪糕 或 鮮果雪糕蜜糖脆脆鬆餅 +💲88.先上場既係新鮮沙津菜配日式芝麻醬，仲有麵豉湯，質素四平八穩。食完後好快上埋刺身三款 – 包括：甜蝦、帆立貝同三文魚，而朋友選擇左新鮮南非磯煮鮑魚。刺身每款兩件，份量慷慨，肉質鮮甜美味。而南非磯煮鮑魚已經處理好，砌成小件方便食客進食。磯煮後既鮑魚肉質非常彈牙爽口入味，甚有驚喜既出品。.餐廳推薦主食可以試下兩位用既活鮮蟹鮑魚汁焗飯，話除左有原隻鮮蟹外，焗飯仲係用左好
.
兩個人去選擇晚市套餐就唔駛傷腦筋。首先要讚下餐廳服務員既態度，實在非常專業有禮，坐低一陣會主動詳細解釋餐單同套餐內容特色。
.
精選套餐 💲288/1
🥗沙津 - 時令野菜沙津
🐟前菜 - 刺身三款 或 新鮮南非磯煮鮑魚
🍲湯類 – 麵豉湯
🦀主菜 - 活鮮蟹鮑魚汁焗飯 (二人份)
🥞甜品 - 朱古力脆脆雪糕 或 鮮果雪糕蜜糖脆脆鬆餅 +💲88
.
先上場既係新鮮沙津菜配日式芝麻醬，仲有麵豉湯，質素四平八穩。食完後好快上埋刺身三款 – 包括：甜蝦、帆立貝同三文魚，而朋友選擇左新鮮南非磯煮鮑魚。刺身每款兩件，份量慷慨，肉質鮮甜美味。而南非磯煮鮑魚已經處理好，砌成小件方便食客進食。磯煮後既鮑魚肉質非常彈牙爽口入味，甚有驚喜既出品。
.
餐廳推薦主食可以試下兩位用既活鮮蟹鮑魚汁焗飯，話除左有原隻鮮蟹外，焗飯仲係用左好多磯煮鮑魚既汁去焗製，真材實料會帶濃濃既鮑魚鮮甜。鐵煲原煲上既焗飯一打開好壯觀，滿滿一盤蟹已經拆件仲有提供拆蟹具方便食客進食，另外仲有新鮮既蜆一齊焗，飯係珍珠米飯底有少少似煲仔飯咁有飯焦好香口。
.
最後登場，亦係作為甜品控最期待既環節就係呢一客鮮果雪糕蜜糖脆脆鬆餅。餐牌寫住鬆餅供應時間只係會去到晚上九時正，所以一坐低已經同服務員預留一份怕食晏左會無。甜品即叫即焗，未食完主菜已經通知餐廳準備。鬆餅係傳統款式一共三層三塊，餐廳介紹佢地鬆餅既蜜糖脆脆係採用100%天然嘅蜜糖做，成份天然健康。雪糕係芝麻雪糕，再加生果同天然蜜糖等調味，成件事味道好夾。鬆餅係用有機日本麵粉製作，口感鬆軟，中間塗有小量朱古力醬同脆脆增味，整體有驚喜，正評之作。
.
朋友就試埋跟餐既朱古力脆脆雪糕，完美作結。
.
總結：惠顧套餐仲可以加$78享用精選清酒一壺，套餐食材滿珍貴，用料十足，加上地段裝潢同服務，性價比確不錯。
.
不專業食評nei.foodie
張貼
