潮牛莊火鍋

營業中

休息中

#miminben_香港📍尖沙咀 潮牛莊尖沙咀金馬倫道23號金馬倫廣場2樓A號舖隔咗一排冇打邊爐，最近嗰邊爐癮又返返嚟😂。今日就約咗一大班朋友，去到位於尖沙咀嘅呢一間火鍋店。火鍋店嘅位置好方便，而且入面嘅環境都好令人坐得舒服，同成班朋友嚟食可以暢所欲言，感覺唔錯。今日最主要係叫咗海鮮🐟同牛🐂，佢嘅加拿大象拔蚌份量好多，而且好新鮮，咬落超級爽口。另外牛方面，分別叫咗牛頸脊、吊龍、坑腩爪同爪邊，份量都係超多，個人第一次食爪邊，原來係好爽口嘅，而且好快就熟，所以放落邊爐嘅時候記得要睇準時間。而吊龍就相對比較重油味，同埋腍啲，對於唔係好鍾意咬咁多嘅朋友呢一個部份應該會比較啱。另外，牛頸脊嘅質素都相當唔錯，有肉味之餘，脂肪嘅分布亦都好鮮明，咬上去唔會話好肥，但係又唔會過硬好似咬橡筋咁👍🏻。而除咗牛肉同海鮮之餘，佢哋嘅配菜都好多，平時打邊爐必備嘅item都有，例如菇類同菜類等等，甚至平時比較少見嘅菜都有，種類咁多總有一樣會啱🙂‍↔️。